റിപ്പബ്ലിക് ദിന ഓഫറായി 50 ശതമാനം കൂടുതല് ഡാറ്റ ഓഫറാണ് ഇത്തവണ ജിയോ വാഗ്ദാനം ചെയ്തിരിക്കുന്നത്. ഒരു ജിബി ഡാറ്റ ദിനം പ്രതി ഓഫറുള്ളവര്ക്ക് ഇനിമുതല് 1.5 ജിബി ഡാറ്റ ഉപയോഗിക്കാനാകും. 1.5 ജിബി ഡാറ്റ ഓഫറുള്ളവര്ക്ക് 2 ജിബി ഡാറ്റ ലഭിക്കും.
149 മുതല് 498 രൂപവരെയുള്ള എട്ട് ഡാറ്റ ഓഫര് പ്ലാനുകളാണ് ജിയോ അവതരിപ്പിക്കുന്നത്. കുറഞ്ഞ നിരക്കില് കൂടുതല് ഡാറ്റ നല്കി ഉപയോക്താക്കള്ക്കളെ കൈയ്യിലെടുക്കാനാണ് ജിയോ ശ്രമിക്കുന്നത്. ജനുവരി 26-ന് രാത്രി 12 മണി മുതല് ഓഫര് പ്രാബല്യത്തില് വരും. നിലവിലുള്ള ഓഫറുകള് തീരുന്നതിന് അനുസരിച്ചാണ് പുതിയ ഓഫര് ലഭ്യമാകുക. നിലവിലെ ഓഫര് റദ്ദാക്കണമെങ്കില് മൈ ജിയോ ആപ്പിക്കേഷന് വഴി സാധ്യമാകുമെന്നുമാണ് റിപ്പോര്ട്ടുകള്.
Post your comments