ഭുവനേശ്വർ: പ്രമുഖ സ്മാർട്ഫോൺ നിർമ്മാതാക്കളായ സാംസങ് അവരുടെ പുതിയ മോഡലായ ഗ്യാലക്സി സി 9 പ്രോ ഇന്ത്യയിൽ അവതരിപ്പിക്കുന്നു.
ജനുവരി 27 മുതൽ ഓൺലൈനായും തിരഞ്ഞെടുക്കപ്പെട്ട ഷോറൂമുകളിലും മുൻകൂർ ബുക്കിംഗ് സൗകര്യം ലഭ്യമാക്കിയിട്ടുണ്ട്. കൂടാതെ ഗ്യാലക്സി സി 9 പ്രൊ മുൻകൂട്ടി ബുക്കുചെയ്യുന്നവർക്ക് ഒരു വർഷത്തെ വൺ ടൈം സ്ക്രീൻ റീപ്ലേസ്മെൻറ് സൗകര്യവും ലഭിക്കും.
ഗോൾഡ്, ബ്ലാക്ക് എന്നീ വ്യത്യസ്ത നിറങ്ങളിൽ എത്തുന്ന ഗ്യാലക്സി സി 9 പ്രൊ 2017 ഫെബ്രുവരി പകുതിയോടെ എല്ലാ റീട്ടെയിൽ ഔട്ട്ലെറ്റുകളിലും ലഭ്യമാകും. 6 ഇഞ്ച് ഫുൾ എച്ച് ഡി സൂപ്പർ അമോലെഡ് ഡിസ്പ്ലേയിലൂടെ മികച്ച ദൃശ്യാനുഭവം ഉപഭോക്താക്കൾക്ക് ലഭിക്കും. 16 മെഗാ പിക്സലോടുകൂടിയ മുൻ,പിൻ ക്യാമറകൾ കുറഞ്ഞ പ്രകാശത്തിൽ മികച്ച ചിത്രങ്ങൾ പകർത്താൻ സഹായിക്കും.
6 ജിബി റാമോടുകൂടിയാണ് ഗ്യാലക്സി സി 9 എത്തുന്നത് .64 ജി ബി ഇന്റേർണൽ സ്റ്റോറേജിനു പുറമെ മൈക്രോ എസ് ഡി കാർഡ് വഴി 256 ജി ബി വരെ ഉയർത്താനാകുന്ന എക്സ്പാൻഡബിൾ മെമറിയും ഗ്യാലക്സി സി പ്രോയുടെ പ്രത്യേകതയാണ് .64 ഒക്ട കോർ പ്രോസസറാണ് ഇതിൽ സന്നിവേശിപ്പിച്ചിട്ടുള്ളത്.വ്യത്യസ്തസവിഷേതകളോടെ എത്തുന്ന ഗ്യാലക്സി സി 9 പ്രോയുടെ വില 36,900 രൂപയാണ് .
Post your comments