സ്മാർട്ട്ഫോൺ എവിടെയെങ്കിലും വെച്ചു മറന്നാലോ കളഞ്ഞു പോയാലോ ഒക്കെ ഇനി എളുപ്പത്തിൽ കണ്ടെത്താം. പുതിയ ഫീച്ചറുമായി ഗൂഗിൾ. ഫൈൻഡ് മൈ ഡിവൈസ് നെറ്റ്വർക്ക് ഓപ്ഷൻ ഉപയോഗിച്ച് ഫോൺ മാത്രമല്ല മറ്റ് ഡിവൈസുകളും കണ്ടെത്താം. സ്മാർട്ട് വാച്ചും ഇയർബഡും ഒക്കെ ഇത്തരത്തിൽ കണ്ടെത്താം. ഐഫോണിലെ ഫൈൻഡ് മൈ ആപ്പിന് സമാനമായ സേവനമാണിത്. ആൻഡ്രോയിഡ് ഫോണുകൾ മാത്രമല്ല ഡിവൈസുകളും ആപ്പിലൂടെ കണ്ടെത്താം. ഇൻറർനെറ്റില്ലെങ്കിലും സേവനം ലഭ്യമാകും എന്നതാണ് പ്രധാന നേട്ടം. പിക്സൽ 8, പിക്സൽ 8 പ്രോ ഉപഭോക്താക്കൾക്ക് ഫോൺ എവിടാണെങ്കിലും കണ്ടെത്താൻ ആകും.
ആൻഡ്രോയിഡ് ഉപയോക്താക്കൾക്ക് ഫോണുകൾ മാത്രമല്ല സ്മാർട്ട് വാച്ചുകൾ, ഇയർബഡുകൾ, കീ എന്നിവയും കണ്ടെത്താനാകും, തിങ്കളാഴ്ചയാണ് ഗൂഗിൾ ഫൈൻഡ് മൈ ഡിവൈസ് നെറ്റ്വർക്ക് ആരംഭിച്ചത്. യുഎസിലും കാനഡയിലും തുടക്കത്തിൽ ലഭ്യമാക്കിയ സേവനം ലോകമെമ്പാടുമുള്ള എല്ലാ ആൻഡ്രോയിഡ് ഉപയോക്താക്കൾക്കും ലഭ്യമാക്കും. ആൻഡ്രോയിഡ് ഉപകരണങ്ങളും ഡിവൈസുകളും കളഞ്ഞു പോകുമ്പോൾ മാത്രമല്ല എവിടെയാണെന്നറിയാനും പുതിയ സംവിധാനം സഹായിക്കും. ഫീച്ചർ ഫോണുകളിൽ ഇത് ലഭ്യമല്ല. ഫോൺ കണ്ടെത്താൻ ഡിവൈസിൽ ഫൈൻഡ് മൈ നെറ്റ്വർക്ക് ഓണാക്കി കണക്റ്റ് ചെയ്തിരിക്കണം. വൈഫൈ അല്ലെങ്കിൽ സെല്ലുലാർ നെറ്റ്‌വർക്കിൽ നിന്ന് വിച്ഛേദിക്കപ്പെട്ട ഫോണുകളും ഉപകരണങ്ങളും കണ്ടെത്തുന്നതിന് ഫോണിലെ ബ്ലൂടൂത്ത് മതി. 100 കോടിയിലധികം വരുന്ന ആൻഡ്രോയിഡ് ഉപകരണങ്ങളുടെ ഒരു ക്രൗഡ് സോഴ്‌സ്ഡ് നെറ്റ്വർക്ക് ഉപയോഗിച്ചാണ് ഫൈൻഡ് മൈ ഡിവൈസ് പ്രവർത്തിക്കുന്നത്.
ഫോണും ടാബ്‌ലെറ്റും റിംഗുചെയ്യുന്ന ഓപ്ഷൻ സെറ്റ് ചെയ്യാൻ ആകും. അല്ലെങ്കിൽ ആപ്പിലെ മാപ്പിൽ അവയുടെ ലൊക്കേഷൻ കാണാനാകും. ബ്ലൂടൂത്ത് ടാഗുകൾ ഉപയോഗിച്ച് ദൈനംദിന ഇനങ്ങൾ ട്രാക്ക് ചെയ്യാനുമാകും.
ഫൈൻഡ് മൈ ഡിവൈസ് ആപ്പിൽ ബ്ലൂടൂത്ത് ട്രാക്കർ ടാഗുകൾ ഉപയോഗിച്ച് കീകൾ, വാലറ്റ് അല്ലെങ്കിൽ ലഗേജ് പോലുള്ള ദൈനംദിന ഇനങ്ങളും കണ്ടെത്താം. ഫൈൻഡ് മൈ ഡിവൈസ് നെറ്റ്‌വർക്കിനായി പ്രത്യേകം നിർമ്മിച്ച ഈ ടാഗുകൾ ഉപഭോക്താക്കൾക്ക് ട്രാക്കർ അലേർട്ടുകൾ നൽകും
Post your comments