തിരുവനന്തപുരം : കേരളത്തില്‍ അതിവേഗ റെയിൽവേ പാതയ്ക്ക് സാധ്യത തെളിയുന്നു . തിരുവനന്തപുരം മുതല്‍ കണ്ണൂര്‍ വരെ ആയിരിക്കും ആദ്യഘട്ടത്തിൽ പദ്ധതി തയ്യാറാക്കുക .
ജപ്പാന്‍ ധനസഹായത്തോടെ അഹമ്മദാബാദ് മുതൽ മുംബൈ വരെയുള്ള അതിവേഗപാതയുടെ നിര്‍മാണത്തിന് അനുമതി അനുവദിച്ച സാഹചര്യത്തിലാണ് തിരുവനന്തപുരം - കണ്ണൂര്‍ പാതയും പരിഗണിക്കാൻ ഒരുങ്ങുന്നത് .
ഈ പാതയുടെ സാധ്യതാ പഠനവും സർവേയും പൂർത്തിയാക്കി അനുമതിക്കായി കാത്തിരിക്കുകയാണ്. ഈ വർഷം തന്നെ പദ്ധതി ആരംഭിക്കാനാണ് സാധ്യത .
ഇത് സംബന്ധിച്ച പ്രഖ്യാപനം ഫെബ്രുവരിയിലെ കേന്ദ്ര ബജറ്റില്‍ ഉണ്ടായേക്കും. 1,27,000 കോടിരൂപ ചെലവ് പ്രതീക്ഷിക്കുന്ന പദ്ധതി ഒൻപത് വർഷം കൊണ്ടായിരിക്കും പൂർത്തിയാക്കുക.
പദ്ധതിയുടെ വായ്പക്കായി ജപ്പാന്‍ ഇന്റര്‍നാഷണല്‍ കോര്‍പ്പറേഷന്‍ ഏജന്‍സിയുമായി ചർച്ചകൾ നടത്തും . പദ്ധതിക്കായുള്ള നികുതികൾ കേന്ദ്ര– സംസ്ഥാന സർക്കാരുകൾ ഒഴിവാക്കിയാൽ ഏകദേശം 6000 കോടി രൂപ പദ്ധതിയുടെ മുഴുവൻ ചെലവിൽ നിന്നും ഗണ്യമായി കുറയ്ക്കാൻ സാധിക്കും . കേന്ദ്ര-സംസ്ഥാന സര്‍ക്കാരുകള്‍ സംയുക്തമായിട്ടായിരിക്കും അതിവേഗ പാതയുടെ പണി പൂർത്തിയാക്കുക .
Post your comments