നോട്ട് പ്രതിസന്ധി: കണ്‍സ്യൂമര്‍ ഫെഡ് കൂപ്പണുകൾ പുറത്തിറക്കി

കൊച്ചി: നോട്ട് പിന്‍വലിക്കലിനെ തുടര്‍ന്നുള്ള ബുദ്ധിമുട്ടുകൾ  ലഘൂകരിക്കാന്‍ കണ്‍സ്യൂമര്‍ ഫെഡ്  ഉപഭോക്താക്കൾക്കായി ​കണ്‍സ്യൂമര്‍ കൂപ്പണുകൾ അവതരിപ്പിക്കുന്നു . 

പ്രാഥമിക സഹകരണ സംഘങ്ങളുടെയും ജില്ലാ സഹകരണ ബാങ്കുകളിലെയും നിക്ഷേപകര്‍ക്കും തൊഴില്‍ ശാലകളിലെ ജീവനക്കാര്‍ക്കും അതാത് ബാങ്കുകള്‍ മുഖേന 10,50, 100 രൂപയുടെ കൂപ്പണുകള്‍ ലഭ്യമാക്കുന്നതാണ് പദ്ധതി.

ഈ കൂപ്പണ്‍ ഉപയോഗിച്ച്‌ നിക്ഷേപകര്‍ക്ക് കണ്‍സ്യൂമര്‍ ഫെഡിന്റെ ഏത് ഔട്ട് ലെറ്റിൽ ​ നിന്നും സാധനങ്ങള്‍ വാങ്ങാം. ജനുവരി 15 വരെയായിരിക്കും കൂപ്പണുകളുടെ കാലാവധി .ക്രിസ്മസ്, ന്യൂ ഇയർ വിപണി ലക്‌ഷ്യം വച്ച്  ഓണ്‍ലൈന്‍ പോര്‍ട്ടലും,  ഡിസ്‌കൗണ്ട് വില്പനയും കണ്‍സ്യൂമര്‍ ഫെഡ് ഒരുക്കുന്നുണ്ട് .

ജനുവരി രണ്ടാം വാരത്തോടെ പ്രൈമറി സഹകരണ സംഘങ്ങളുമായി ചേര്‍ന്ന് 2,000 നീതീ സ്റ്റോറുകളും 1,500 നീതി മെഡിക്കല്‍ സ്റ്റോറുകളും ആരംഭിക്കും.പോയിന്റ് ഓഫ് സെയില്‍ മെഷീനുകള്‍ ഉപയോഗിച്ച് കാര്‍ഡ് സൈ്വപ്  ചെയ്ത് കണ്‍സ്യൂമര്‍ ഫെഡിന്റെ ഏത് ഔട്ട്ലെറ്റില്‍നിന്നും സാധനങ്ങള്‍ വാങ്ങാനുള്ള അവസരവും ഒരുക്കും.