കൊച്ചി : വർദ്ധിച്ചു വരുന്ന എ ടിഎം തട്ടിപ്പുകൾ തടയുന്നതിനായി സൗത്ത് ഇന്ത്യന്‍ ബാങ്ക് ഉപഭോക്താക്കൾക്കായി ഡിജിറ്റല്‍ ഇ-ലോക്ക് അവതരിപ്പിക്കുന്നു .
എസ് ഐ ബി യുടെ മൊബൈൽ ബാങ്കിംഗ് ആപ്പ് ആയ എസ് ഐ ബി മിററിലാണ് ഈ സൗകര്യം ലഭ്യമാകുക . സ്വിച്ച് ഓൺ /ഓഫ് ബട്ടണിൽ ഒരുതവണ അമർത്തുമ്പോൾ തന്നെ മൊബൈല്‍ ബാങ്കിംഗ്, എടിഎം, പി.ഒ.എസ്. തുടങ്ങിയ എല്ലാത്തരം ഡിജിറ്റല്‍ ഡെബിറ്റ് ഇടപാടുകളും ലോക്ക്/അണ്‍ലോക്ക് ചെയ്യാനുള്ള അതിനൂതന സുരക്ഷാ സംവിധാനമാണ് ഇലോക്ക്.
എല്ലാ ഡിജിറ്റല്‍ ഡെബിറ്റ് ഇടപാടുകളും ഒരു നിമിഷത്തിനുള്ളില്‍ ബ്ലോക്ക് ചെയ്യാനാവും എന്നതാണ് ഇ-ലോക്ക് സംവിധാനത്തിന്റെ പ്രത്യേകത.
ആന്‍ഡ്രോയ്ഡ്, ഐ.ഒ.എസ് പ്ലാറ്റ്ഫോമുകളില്‍ എസ് ഐ ബി മിറര്‍ ആപ്പ് ഡൗണ്‍ലോഡ് ചെയ്ത് ഇ-ലോക്ക് സംവിധാനം പ്രയോജനപ്പെടുത്താവുന്നതാണ്. ഉപഭോക്താക്കളുടെ വിശ്വാസം നിലനിർത്താനും കൂടുതൽ സുരക്ഷ പ്രധാനം ചെയ്യാനും ഡിജിറ്റൽ ഈ -ലോക്ക് സംവിധാനം സഹായകമായേക്കും.
Post your comments