തിരുവനന്തപുരം : മൂന്ന് മേഖലകളിൽ താൽക്കാലിക ജീവനക്കാർ തുടരാൻ തിരുവനന്തപുരത്ത് ചേർന്ന എസ്.ബി.ടി ബാങ്ക് ബോർഡ് യോഗത്തിൽ തീരുമാനമായി . ക്ലീനിംഗ്, സെക്യൂരിറ്റി, എ.ടി.എമ്മിൽ പണം നിറക്കൽ തുടങ്ങിയ മേഖലകളിലാണ് കരാർ ജോലിക്കാർ തുടരുക.
ഇതോടെ താൽക്കാലിക ജീവനക്കാരെ പിരിച്ചുവിടുന്ന അവസ്ഥ ഒഴിവാക്കുവാൻ കഴിയുമെന്ന് എസ്.ബി.ടി അറിയിച്ചു.
കഴിഞ്ഞ ദിവസം എസ്.ബി.ടിയിലെ താൽക്കാലിക ജീവനക്കാരെ പിരിച്ചുവിടാൻ എച്ച് ആർ വിഭാഗം സർക്കുലർ ഇറക്കിയിരുന്നു . ഈ തീരുമാനത്തിലൂടെ നിരവധി ജീവനക്കാരുടെ ജോലി നഷ്ടപ്പെടുന്ന സാഹചര്യമാണ് നിലവിലുണ്ടായിരുന്നത്. എസ്.ബി. ഐ യുമായുള്ള ബാങ്കുകളുടെ ലയനത്തിന് മുന്നോടിയായാണ് അധിക ജീവനക്കാരെ പിരിച്ചുവിടാനുള്ള ശ്രമം നടന്നത്.
Post your comments