നെക്സ്റ്റ്ബിറ്റ് റോബിൻ സ്മാർട്ട്‌ ഫോൺ ഇന്ത്യൻ വിപണിയിൽ

കൊച്ചി : അമേരിക്ക ആസ്ഥാനമായി പ്രവർത്തിക്കുന്ന നെക്സ്റ്റ്ബിറ്റ്  റോബിൻ 
സ്മാർട്ട്‌ ഫോൺ ഇന്ത്യയിൽ  അവതരിപ്പിച്ചു. 19,999  രൂപയാണ് ഫോണിന്റെ ഇന്ത്യൻ 
വിപണി വില. മെയ്‌ 30 മുതൽ ഇ- കോമേഴ്സ് വെബ്‌സൈറ്റായ ഫ്ലിപ്കാർട്ടിലുടെ ഫോൺ ഉപഭോക്തക്കൾക്ക് ലഭ്യമാകും.

സാധാരണ ഫോണുകളിൽ നിന്ന് വ്യത്യസ്തമായി പോളി കാർബണേറ്റാണ് ഈ ഫോണിൽ ഉപയോഗിച്ചിരിക്കുന്നത്. 

32 ജിബി  ഇന്റെർണൽ സ്റ്റോറേജുള്ള ഫോണിൽ 100 ജിബി ക്ലൗഡ് സ്റ്റോറേജുമുണ്ട്. 
അൽകമീസ് ഓഡിയോ  സംവിധാനമുള്ള ഫോണിന്റെ  മുൻവശത്ത് ഇരട്ട സ്പീക്കറിലുടെ മികച്ച ശബ്ദമാണ് ലഭിക്കുന്നത്.

മൂന്ന്  ജിബി  റാമുള്ള  ഈ  സ്മാർട്ട്‌ ഫോണിൽ ക്വോൽകോം സ്നാപ്ഡ്രാഗൺ 808 പ്രോസ്സസറാണ് ഉപയോഗിച്ചിരിക്കുന്നത്.

അഞ്ച് എം.പി  ഫ്രണ്ട്  ക്യാമറയും  13  എം.പി ബാക്ക് ക്യാമറയുമാണ് ഫോണിൽ ഉള്ളത്. 
5.2 ഇഞ്ച്‌ ഡിസ്പ്ലേയുള്ള ഫോണിൽ ഡ്യുവൽടോൺ എൽ.ഇ.ഡി  ഫ്ലാഷ് ,ഫിംഗർ പ്രിന്റ്‌ സ്കാനർ തുടങ്ങിയ പ്രത്യേകതകളുമുണ്ട്.