കൊച്ചി : ഇനി കാർ ലോണിന് വേണ്ടി ബാങ്കിൽ കയറി ഇറങ്ങണ്ട. ഓൺലൈൻ വഴി കാർ ലോൺ ലഭ്യമാക്കുന്ന പദ്ധതിയുമായി ഫെഡറൽ ബാങ്ക് വരുന്നു.ബി യുവർ ഓൺ മാസ്റ്റർ (BYOM ) എന്ന ഫെഡറൽ ബാങ്കിന്റെ ഡിജിറ്റൽ പദ്ധതിയിലൂടെയാണ് കാർ ലോൺ ലഭിക്കുന്നത്.
വാങ്ങുവാൻ നിശ്ചയിച്ചിരിക്കുന്ന കാറും ഡീലറും ഏതാണ് എന്ന് ഉപഭോക്താകൾക്ക് ഓൺലൈൻ വഴി ബാങ്കിനെ അറിയിക്കാവുന്നതാണ്. തുടർന്ന് ലോണിന് ആവശ്യമായ തുകയും,അത് അനുവദിച്ച് കിട്ടാനുള്ള നടപടികളും ഓൺലൈൻ വഴി തന്നെ സാധ്യമാക്കാം . കൂടാതെ ഡീലറിന്റെന കൈയിൽ നിന്ന് നേരിട്ട് കാർ വാങ്ങാനുള്ള സൗകര്യവും പദ്ധതിയിലുടെ ഒരുക്കിയിട്ടുണ്ട്.
ഈ സൗകര്യം ആദ്യ ഘട്ടത്തിൽ ബാങ്കിന്റെ എറണാകുളം, മുംബൈ ശാഖകളിലെ മുൻ അംഗീകാരം ഉപഭോക്താക്കൾക്കാണ് ലഭ്യമാകുക. ബിവൈഒഎമ്മിന് കീഴിലെ രണ്ടാമത്തെ ഡിജിറ്റൽ ഓഫറാണ് ഓൺലൈൻ കാർ ലോൺ. നിക്ഷേപത്തിന്മേൽ ഓൺലൈനായി വായ്പ ലഭ്യമാക്കുന്ന ഫെഡ് -ഇ- ക്രെഡിറ്റാണ് ആദ്യത്തെത്.
ഡിജിറ്റൽ ഉൽപന്നങ്ങളിലുടെയും സുതാര്യമായ പ്രവർത്തനങ്ങളിലൂടെയും തങ്ങളുടെ ഉപഭോക്താകൾക്ക് കൂടുതൽ സൗകര്യങ്ങൾ ലഭ്യമാക്കാൻ ബാങ്ക് ബാദ്ധ്യസ്ഥമാണെന്നും . ഇതിന്റെ ആദ്യപടിയാണ് ബിവൈഒഎം കാർ ലോൺ എന്നും ഡിജിറ്റൽ ബാങ്കിംഗ് മേധാവി കെ.എം.ബാബു അറിയിച്ചു. ഓൺലൈൻ വ്യക്തിഗത വായ്പാ സൗകര്യങ്ങളും ഫെഡറൽ ബാങ്ക് ഉടൻ നടപ്പാക്കുമെന്നും അദ്ദേഹം കൂട്ടിച്ചേർത്തു.
Post your comments