മുംബൈ : മൈക്രോസോഫ്റ്റ്‌ സർഫസ് പ്രോ 3 ഇപ്പോൾ പരിമിത കാലത്തേക്ക് വമ്പൻ വില കുറവിൽ. ഇപ്പോൾ ആമസോൺ വഴി ഇന്ത്യയിൽ 58,990 രൂപക്ക് മൈക്രോസോഫ്റ്റ്‌ സർഫസ് പ്രോ 3 ലഭിക്കുന്നതാണ്.തുടക്കത്തിൽ ഇന്ത്യയിൽ ഇതിന് 73,990 രൂപയായിരുന്നു. ഡിസ്കൗണ്ട് കാലാവധി എത്രക്കാലം എന്ന് കമ്പനി ഇതുവരെ വ്യക്തമാക്കിയിട്ടില്ല.
സർഫസ് പ്രോ 3 ലാപ്ടോപിനു 798 ഗ്രാം ഭാരം മാത്രമാണ് ഉള്ളത് . ഇതിനെ ടാബ്ലറ്റായും ലാപ്ടോപായും ഉപയോഗിക്കാവുന്നതാണ്. കൂടാതെ വേർപെടുത്താവുന്ന കീബോർഡ് ഇതിന്റെ മറ്റൊരു പ്രത്യേകതയാണ്.
കമ്പനി തന്നെ ലഭ്യമാക്കുന്ന സ്മാർട്ട്‌ പെൻ പ്രോ 3-യെ ടാബ്ലറ്റ് ആയി ഉപയോഗിക്കുമ്പോൾ ഏറെ പ്രയോജനപ്പെടുന്നു. ജനുവരിയിലാണ് ഇന്ത്യയിൽ മൈക്രോസോഫ്റ്റ്‌ 'സർഫസ് പ്രോ' ശ്രേണി അവതരിപ്പിച്ചത്.
2160 x1440 പി റെസലൂഷനോടു കൂടിയ 12 ഇഞ്ച്‌ ക്ലിയർ ടൈപ്പ് സ്ക്രീനാണ് സർഫസ് പ്രോ 3 ക്ക് ഉള്ളത്.കോർ ഐ3 പ്രൊസസ്സർ, 4 ജിബി റാം ,5 എംപി റെസൊലുഷനോടുകൂടിയ ഫ്രണ്ട് ആൻഡ്‌ ബാക്ക് ക്യാമറ എന്നിവ മൈക്രോസോഫ്റ്റ്‌ സർഫസ് പ്രോ 3 യുടെ മറ്റു പ്രത്യേകതകളാണ്.
Post your comments