ശങ്കരി ഉണ്ണിത്താൻ
സിഇഒ,ടൈംട്രോണിക് മാനേജ്‌മെന്റ് കൺസൾട്ടന്റ്‌സ് പ്രൈ.ലി.
കേരളത്തിന്റെ സമൃദ്ധമായ ഉഷ്ണമേഖലാ ഭൂപ്രകൃതിയിൽ, ഐടി മേഖലയിൽ പരിവർത്തനാത്മകമായ മാറ്റമാണ് നടക്കുന്നത്.. ടെക് ഭീമൻമാരെയും സ്റ്റാർട്ടപ്പുകളേയും ഐടി പ്രൊഫഷണലുകളുടെ വളർന്നുവരുന്ന സമൂഹത്തെയും ആകർഷിക്കുന്ന, അഭിവൃദ്ധി പ്രാപിക്കുന്ന ഐടി ഹബ്ബ് എന്ന നിലയിൽ കേരളം നിശബ്ദമായും സ്ഥിരതയോടെയും കീർത്തിയാർജ്ജിച്ചിരിക്കുന്നു. പ്രാദേശിക തൊഴിലാളികളെ ശാക്തീകരിക്കുന്നതിനൊപ്പം തന്നെ മികച്ച ഐടി പ്രതിഭകളെ ആകർഷിക്കുകയും നിലനിർത്തുകയും ചെയ്യുക എന്ന ഇരട്ട ലക്ഷ്യങ്ങൾ സാക്ഷാത്ക്കരിച്ചുകൊണ്ട് 'ദൈവത്തിന്റെ സ്വന്തം നാട്ടിൽ' റിക്രൂട്ട്മെന്റ് ലാൻഡ്സ്‌കേപ്പ് ഗണ്യമായി വികസിച്ചു. വിദഗ്ധ ബിരുദധാരികളുടെ സ്ഥിരമായ വിതരണം ഉറപ്പാക്കുന്ന വിദ്യാഭ്യാസ സ്ഥാപനങ്ങളുമായുള്ള സഹകരണം ഒരു പ്രധാന സവിശേഷതയായി നിലകൊള്ളുന്നു. ഇൻഡസ്ട്രി സ്‌പെസിഫിക്ക് ജോബ് ബോർഡുകൾ, ഹാക്കത്തോണുകൾ, കോഡിംഗ് മത്സരങ്ങൾ എന്നിവ സാധാരണമായി മാറിയതിലൂടെ കമ്പനികൾക്ക് കഴിവുളള ഉദ്യോഗാർത്ഥികളുമായി സജീവമായി ഇടപഴകാൻ അവസരം സൃഷ്ടിക്കുന്ന ഒരു റിക്രൂട്ട്മെന്റ് പ്രക്രിയ കേരളത്തിന്റെ ഐടി മേഖലയിൽ സൃഷ്ടിക്കപ്പെടുന്നു.
റിക്രൂട്ട്മെന്റ് പ്രക്രിയ മെച്ചപ്പെടുത്തുന്നതിന്, സാങ്കേതികവിദ്യാധിഷ്ഠിതമായ റിക്രൂട്ട്മെന്റ് ടൂളുകളും പ്രവചനാത്മക അനലിറ്റിക്സും കാര്യക്ഷമമായി വർത്തിക്കുന്നതിനാൽ വൈവിധ്യമാർന്ന റോളുകൾക്കായി ഏറ്റവും അനുയോജ്യമായത് തിരിച്ചറിയാനാകുന്നു. ഈ സമീപനം സോഫ്റ്റ്വെയർ, ഡാറ്റ അനലിറ്റിക്സ്, ആർട്ടിഫിഷ്യൽ ഇന്റലിജൻസ്, ഓട്ടോമേഷൻ എന്നിവയുടെ സഹായത്തോടെ ഏറ്റവും അനുയോജ്യരായ ഉദ്യോഗാർത്ഥികളെ കണ്ടെത്തുന്നതിനുംനിയമിക്കുന്നതിനും സഹായിക്കുന്നു. അക, മെഷീൻ ലേണിംഗ്, ബിഗ് ഡാറ്റ അനലിറ്റിക്സ്, വീഡിയോ ഇന്റർവ്യൂകൾ, ടെക്നോളജി അടിസ്ഥാനമാക്കിയുള്ള മൂല്യനിർണ്ണയ ടൂളുകൾ, സോഷ്യൽ മീഡിയ, ഓൺലൈൻ ജോബ് ബോർഡുകൾ, മൊബൈൽ റിക്രൂട്ട്മെന്റ്, ഓട്ടോമേഷൻ, ചാറ്റ്ബോട്ടുകൾ, ക്രെഡൻഷ്യൽ വെരിഫിക്കേഷനുള്ള ബ്ലോക്ക്ചെയിൻ, ഗെയിമിഫിക്കേഷൻ എന്നിവയുൾപ്പെടെയുള്ള വിവിധ സാങ്കേതിക മുന്നേറ്റങ്ങൾ ഇപ്പോൾ റിക്രൂട്ട്മെന്റ് പ്രക്രിയയിലെ അവിഭാജ്യ ഘടകങ്ങളാണ്.
ടെക്നോളജി അഡോപ്ഷനുമായി ബന്ധപ്പെട്ട ഗ്ലോബൽ ലാൻഡ്സ്‌കേപ്പ് അനിശ്ചിതത്വത്തിലായതിനാൽ ലോകമെമ്പാടുമുള്ള ഏകദേശം പകുതി കമ്പനികളും ജോലികൾക്കായി നല്ല വീക്ഷണം കാംക്ഷിക്കുന്നു. ഭാവിയിലെ തൊഴിലവസരങ്ങൾക്കുള്ള ഒരു കേന്ദ്രബിന്ദുവായി ഓട്ടോമേഷൻ നിലകൊള്ളുകയും ജനറേറ്റീവ് അക കാര്യമായ നേട്ടം കൈവരിക്കുന്നു. വിവിധ വ്യവസായങ്ങളിൽ ഉടനീളം ജനറേറ്റീവ് അകയുടെ ദ്രുതഗതിയിലുള്ള പുരോഗതി കാരണം മനുഷ്യ ഏകോപനം, തീരുമാനമെടുക്കൽ, ആശയവിനിമയം എന്നിവയുമായി ബന്ധപ്പെട്ട ജോലികൾ ഓട്ടോമേഷനിൽ ഗണ്യമായ വളർച്ച കൈവരിച്ചു.
കഴിഞ്ഞ 3 വർഷമായി കൊവിഡ് മഹാമാരി തൊഴിലാളികളുടെ എണ്ണത്തിൽ കുറവുണ്ടാക്കി. മറ്റൊരു പ്രശ്‌നം എന്തെന്നാൽ, ചില വ്യവസായങ്ങൾ വളരെയധികം മാറി, ആ വ്യവസായങ്ങൾക്കുള്ളിൽ അവർ വേണ്ട മികവുകളുടെ കാര്യത്തിലും മാറ്റമുണ്ടായി. അതുകൊണ്ടുതന്നെ പല വ്യവസായങ്ങളും തങ്ങൾക്കാവശ്യമായ സ്‌കിൽ സെറ്റ് കണ്ടെത്തുന്നതിനായി ബുദ്ധിമുട്ടുകയാണ്. ഇപ്പോൾ ജീവനക്കാരെ പിരിച്ചുവിടുകയോ പുതുതായി നിയമിക്കാതിരിക്കുകയോ ചെയ്യുന്ന ചില കമ്പനികൾ പ്രധാനമായും മഹാമാരി സമയത്ത് വൻതോതിലുള്ള വിപുലീകരണത്തിലൂടെ കടന്നുപോയതും നിലവിൽ ഏതെങ്കിലും തരത്തിലുള്ള പുനഃക്രമീകരണത്തിലൂടെ കടന്നുപോകുന്നതമായവയാണ്.
തുടർച്ചയായ നൈപുണ്യ വികസനത്തിലൂടെയും അപ്സ്‌കില്ലിംഗ് പ്രോഗ്രാമുകളിലൂടെയും പുതുകാലത്തിനും ഡിമാൻഡിനും അനുയോജ്യമാകുംവിധം കേരളം അതിന്റെ തൊഴിലാളികളെ സജീവമായി തയ്യാറാക്കുകയാണ്. ഐടി വ്യവസായത്തിന്റെ വർദ്ധിച്ചുകൊണ്ടിരിക്കുന്ന ആവശ്യങ്ങളുമായി പാഠ്യപദ്ധതിയെ ബന്ധപ്പെടുത്താൻ പ്രാദേശിക വിദ്യാഭ്യാസ സ്ഥാപനങ്ങളുമായി പാർടനർഷിപ്പുണ്ടാക്കുന്നു. അക, ബ്ലോക്ക്ചെയിൻ, സൈബർ സുരക്ഷ, ഡാറ്റാ സയൻസ് തുടങ്ങിയ വളർന്നുവരുന്ന സാങ്കേതികവിദ്യകൾ സംസ്ഥാനം സജീവമായി പ്രോത്സാഹിപ്പിക്കുന്നു. മാത്രമല്ല, കേരളം ഓൺലൈൻ ജോലികളും വഴക്കമുള്ള ക്രമീകരണങ്ങളും സ്വീകരിക്കുകയും നവീകരണത്തിലും ഗവേഷണത്തിലും വികസനത്തിലും നിക്ഷേപം നടത്തുകയും ചെയ്യുന്നു. പുതിയ തൊഴിലവസരങ്ങൾ സൃഷ്ടിക്കുന്നതിന് സ്റ്റാർട്ടപ്പ് ഇക്കോസിസ്റ്റത്തെ പിന്തുണയ്ക്കുന്നു.
ജോലിസ്ഥലത്ത് വൈവിധ്യവും ഉൾപ്പെടുത്തലും പ്രോത്സാഹിപ്പിക്കുന്നതിനും സൈബർ സുരക്ഷാ നടപടികൾ വർധിപ്പിക്കുന്നതിനും ആഗോള പ്രതിഭകളെ ആകർഷിക്കുന്നതിനും ഡാറ്റാധിഷ്ഠിത തീരുമാനങ്ങൾ എടുക്കുന്നതിനും ഊന്നൽ നൽകാനുള്ള ശ്രമങ്ങൾ കേരളത്തിന്റെ നയത്തിന്റെ ഭാഗമാണ്. കൂടാതെ, ഡാറ്റാ അനലിറ്റിക്സിലെ നിക്ഷേപം ഡാറ്റാ സയന്റിസ്റ്റുകൾക്കും അനലിസ്റ്റുകൾക്കും കൂടുതൽ തൊഴിലവസരങ്ങൾ സൃഷ്ടിക്കുന്നതിന് കാരണമാകുന്നു. അതോടൊപ്പം പരിസ്ഥിതി സൗഹൃദ രീതികളും ഹരിത ഐടി സംരംഭങ്ങളും നയത്തിന്റെ ഭാഗമാക്കിയതും വലിയ ചുവടുവയ്പുകളായി പ്രാധാന്യം നേടുന്നു.
ഈ തന്ത്രങ്ങളിൽ ശ്രദ്ധ കേന്ദ്രീകരിക്കുന്നതിലൂടെ, വികസിച്ചുകൊണ്ടിരിക്കുന്ന ഐടി തൊഴിൽ വിപണി നൽകുന്ന വെല്ലുവിളികളെ നേരിടാനും അവസരങ്ങൾ മുതലെടുക്കാനും കേരളത്തിലെ ഐടി മേഖല സുസജ്ജമാണ്.
Post your comments