KINFRA @ 30

നിറവിന്റെ മൂന്ന് ദശാബ്ദങ്ങൾ
കേരളത്തിന്റെ വ്യവസായക്കുതിപ്പിന് തനത് പാതയൊരുക്കി കിൻഫ്ര

 

 

കേരള ഗവൺമെന്റിന്റെ സ്റ്റാറ്റിയുട്ടറി ബോഡിയായി 1993-ലാണ് കിൻഫ്ര (കേരള ഇൻഡസ്ട്രിയൽ ഇൻഫ്രാസ്ട്രക്ചർ ഡെവലപ്‌മെന്റ് കോർപറേഷൻ ) രൂപീകൃതമായത്. വ്യവസായബന്ധിത മേഖലയിൽ നൂതനവും അനിവാര്യവുമായ അടിസ്ഥാന സൗകര്യങ്ങൾ പ്രദാനം ചെയ്യുന്നതിലൂടെ സംസ്ഥാനത്തിന്റെ വ്യാവസായിക വളർച്ചയ്ക്ക് ആക്കം കൂട്ടുവാൻ  പ്രതിജ്ഞാബദ്ധമാണ് കിൻഫ്ര.
വ്യാവസായിക വളർച്ചയ്ക്ക് ആവശ്യമായ അടിസ്ഥാന സൗകര്യങ്ങൾ നിർമ്മിച്ചു നൽകുക എന്നതാണ് കിൻഫ്രയുടെ ഉദ്ദേശ്യലക്ഷ്യം.  സ്റ്റാർട്ട്അപ്പുകൾക്കും പുതുസംരഭകർക്കും വ്യവസായങ്ങൾക്കാവശ്യമായ  അടിസ്ഥാന സൗകര്യങ്ങൾ നിർമ്മിച്ച് നൽകുന്ന സംരംഭമാണ് കിൻഫ്ര. ഉയർന്ന വൈദഗ്ധ്യമുള്ള ജോലിക്കാർ, വ്യാവസായികസൗഹൃദ തൊഴിലിടങ്ങൾ, വൈവിധ്യമാർന്ന വ്യാവസായിക ഭൂമിക, മികച്ച സാമ്പത്തികനേട്ടം ലക്ഷ്യമാക്കിയുള്ള  സമീപനങ്ങൾ, മാർഗ്ഗങ്ങൾ, നിലപാടുകൾ എന്നിവ കിൻഫ്ര ഒരുക്കുന്നു. ഇതോടൊപ്പം ഏറ്റവും പുതിയ സാങ്കേതികവിദ്യയെ അടിസ്ഥാനപ്പെടുത്തിയ തൊഴിലിടങ്ങളും കിൻഫ്ര നിർമ്മിച്ച് നൽകുന്നു. അതിനായി നിക്ഷേപക ക്ഷമതയുള്ളവരെ ഈ മേഖലയിലേയ്ക്ക്   ആകർഷിക്കുന്നതിനുള്ള നോഡൽ ഏജൻസിയായും കിൻഫ്ര  പ്രവർത്തിക്കുന്നു.  കാര്യക്ഷമതയും ഫലപ്രാപ്തിയും വർദ്ധിപ്പിക്കുന്നതിന് മികച്ച കണക്റ്റിവിറ്റിയും, ഊർജ്ജം, ജലം എന്നിവയുടെ ലഭ്യതയും ഉറപ്പാക്കുന്നു. ലാഭകരമായ വികസന പദ്ധതിക്ക് അടിസ്ഥാന സൗകര്യങ്ങൾ രൂപകൽപന ചെയ്യുന്നതിൽ ദീർഘദൃഷ്ടിയോടെയുള്ള  സമീപനമാണ് കിൻഫ്ര സ്വീകരിച്ചുവരുന്നത്.
മാതൃകയായി 31 വ്യവസായ പാർക്കുകൾ
സംസ്ഥാനത്തെ വ്യാവസായിക ഭൂമികയിൽ കിൻഫ്രയുടെ കഴിഞ്ഞ 30 വർഷത്തെ സേവനങ്ങൾ സ്തുത്യർഹമാണ്. വിവിധ മേഖലകളെ ഉൾക്കൊള്ളുന്ന 31 വ്യവസായ  പാർക്കുകളിലായി ഏകദേശം 1200 യൂണിറ്റുകൾ പ്രവർത്തിക്കുന്നുണ്ട്. ഇതുവരെ ഏറ്റെടുത്ത 3438.23 ഏക്കറിൽ 90% ഭൂമിയും വിവിധ സംരംഭകർക്ക് അനുവദിച്ചു. വ്യവസായങ്ങൾ തുടങ്ങാനായി സർവ്വസജ്ജമായ  14,07,707.01 ചതുരശ്ര അടി വ്യവസായിക ഇടമൊരുക്കി. അതിൽ 11,21,525.55 ചതുരശ്ര അടി  (78%) വ്യവസായങ്ങൾക്കായി ലഭ്യമാക്കുകയും ചെയ്തു. ഇതിലൂടെ 67,000 തൊഴിലവസരങ്ങളും 4798 കോടി രൂപയുടെ നിക്ഷേപവും സൃഷ്ടിക്കുന്നതിൽ കിൻഫ്ര വിജയിച്ചു.
വ്യാവസായിക നിക്ഷേപം സുഗമമാക്കുന്നതിന് കിൻഫ്ര നിരവധി നൂതന പദ്ധതികൾ ആവിഷ്‌കരിച്ചിട്ടുണ്ട്.  ഇതിലൂടെ വ്യവസായ സംരംഭകർക്ക് വിവിധ  പദ്ധതികൾ ആരംഭിക്കുന്നതും  നിക്ഷേപകർക്ക്  സംരംഭം ആരംഭിക്കുന്നതും കൂടുതൽ ലളിതവും അനായാസവുമായി മാറി. ഉപഭോക്താക്കൾക്ക് സംരംഭങ്ങൾ ആരംഭിക്കുന്നതിന് ആവശ്യമായ അടിസ്ഥാന സൗകര്യങ്ങളും അനുബന്ധ സേവനങ്ങളും  നിയമാനുസൃത ക്ലിയറൻസുകളും ഏകജാലക സംവിധാനം വഴി ലഭ്യമാക്കുന്നുണ്ട്. ഇത്  വേഗതയേറിയതും സുതാര്യവുമാക്കാൻ  (SWIFT) ഓൺലൈൻ ഏകജാലക ഇന്റർഫേസ് നടപ്പാക്കിയിട്ടുണ്ട്.
കഴിഞ്ഞ മുപ്പത് വർഷത്തിനുള്ളിൽ നേടിയ പൊൻതൂവലുകളാണ് കിൻഫ്രയുടെ കിരീടത്തിലുള്ളത്. വസ്ത്രനിർമ്മാണം, ഭക്ഷ്യസംസ്‌കരണം,   പ്രതിരോധ ഉപകരണ നിർമ്മാണം, പെട്രോകെമിക്കൽസ് വ്യവസായം, ഫിലിം & ആനിമേഷൻമേഖല, ഐടി/ഐടിഇഎസ്, ഹെൽത്ത് കെയർ ഉൽപ്പന്നങ്ങൾ, സമുദ്രോൽപ്പന്നങ്ങൾ, റബ്ബർ, മറ്റ് സാധാരണ വ്യവസായങ്ങൾ തുടങ്ങി  പ്രത്യേക മേഖലകളിലുള്ള 31 വ്യവസായ പാർക്കുകൾ 30 വർഷത്തിനുള്ളിൽ  പൂർണമായും പ്രവർത്തനക്ഷമമാക്കാൻ കിൻഫ്രയ്ക്ക് കഴിഞ്ഞു. വ്യവസായത്തിനും വാണിജ്യത്തിനുമുള്ള  സുസ്ഥിരവും സുരക്ഷിതവുമായ ബാഹ്യസാഹചര്യങ്ങൾ ഇവിടെ തയ്യാറാണ്. ഉയർന്ന മൂല്യമുള്ള ഉത്പാദനം, പ്രത്യേകിച്ച് കൃത്യത വേണ്ട യന്ത്രസാമഗ്രികൾ, മെറ്റാലിക് ഫാബ്രിക്കേഷൻസ്, റബ്ബർ, സംസ്‌കരിച്ച ഭക്ഷണം, വസ്ത്രങ്ങൾ, ആരോഗ്യ സംരക്ഷണ ഉൽപന്നങ്ങൾ തുടങ്ങിയവ നിർമ്മിക്കുന്ന വ്യവസായങ്ങൾക്കുള്ള അടിസ്ഥാന സൗകര്യങ്ങൾ ഇപ്പോൾ തന്നെ കിൻഫ്രയിൽ ലഭ്യമാണ്. ഇതിനുപുറമേ കിൻഫ്ര ഒരു ഇൻഡസ്ട്രിയൽ ലാൻഡ് ബാങ്ക് ഫെസിലിറ്റേറ്ററായി സ്ഥാപിക്കപ്പെടുകയും ഒരു സംയോജിത മാനുഫാക്ചറിംഗ് ക്ലസ്റ്ററായി പുരോഗമിക്കുകയും ചെയ്തു. ഇതിനൊക്കെ സഹായകമായത് പാട്ടവ്യവസ്ഥകളിൽ വിപ്ലവകരമായ മാറ്റങ്ങളോടെ നിക്ഷേപക സൗഹൃദനയങ്ങൾ പുനഃസൃഷ്ടിച്ചതാണ്.
ഇന്റർനാഷണൽ അപ്പാരൽ പാർക്ക്, കിൻഫ്ര ഫിലിം, വീഡിയോ & ഐടി/ഐടിഎസ് പാർക്ക്, കിൻഫ്ര എക്‌സ്‌പോർട്ട് പ്രൊമോഷൻ ഇൻഡസ്ട്രിയൽ പാർക്ക്, കിനെസ്‌കോ പവർ യൂട്ടിലിറ്റീസ് പ്രൈവറ്റ് ലിമിറ്റഡ് എന്നീ കമ്പനികളും കിൻഫ്രയുടെ കീഴിൽ പ്രവർത്തിക്കുന്നു. ഇതിനു പുറമേ താഴെപ്പറയുന്ന 14 യൂണിറ്റുകൾ ഭാഗികമായോ പൂർണ്ണമായോ പ്രവർത്തനപഥത്തിലുണ്ട്:
1. പെട്രോകെമിക്കൽ പാർക്ക്, കൊച്ചി
അമ്പലമുകളിൽ ഫാക്ടി (FACT)ൽ നിന്നും സംസ്ഥാന സർക്കാർ വാങ്ങിയ 481 ഏക്കർ സ്ഥലത്താണ് പെട്രോകെമിക്കൽ പാർക്ക് വികസിപ്പിക്കുന്നത്. പ്രൊപെലിൻ ഡെറിവേറ്റിവ്‌സിൽ നിന്നും ഉത്പന്നങ്ങൾ നിർമ്മിക്കുന്ന യൂണിറ്റുകൾ പാർക്കിൽ കൊണ്ടുവരുന്നതിനായാണ് കിൻഫ്ര ശ്രമിക്കുന്നത്.  ഇതിനായി കൊച്ചിൻ റിഫൈനറിയുടെ പോളിയോൽ (Polyol) പ്രോജക്ടിനായി ബിപിസിഎല്ലിന് 170 ഏക്കർ ഭൂമി കിൻഫ്ര അനുവദിച്ചിട്ടുണ്ട്. പെയിന്റ്, തിന്നർ തുടങ്ങിയവ നിർമ്മിക്കുന്ന വ്യവസായ യൂണിറ്റുകളും പാർക്കിൽ വരുമെന്നാണ് സംസ്ഥാനം പ്രതീക്ഷിക്കുന്നത്. അടിസ്ഥാന സൗകര്യ വികസനം ഉൾപ്പെടെ 1200 കോടി രൂപയാണ് പദ്ധതി ചെലവ്.  ഏകദേശം 10,000 കോടി നിക്ഷേപം ഉപയോഗിച്ച് 11,000 തൊഴിലവസരങ്ങൾ സൃഷ്ടിക്കപ്പെടുമെന്ന് പ്രതീക്ഷിക്കുന്നു. 35 നിക്ഷേപകർക്കായി 239 ഏക്കർ ഇതിനോടകം ക്രിൻഫ്ര അനുവദിച്ചിട്ടുണ്ട്. 150 കോടി രൂപയുടെ വികസന പ്രവർത്തനങ്ങൾ പുരോഗമിക്കുന്നു. 2024 മാർച്ചോടെ പാർക്ക് പൂർണതോതിൽ പ്രവർത്തനക്ഷമമാകും.
2. കൊച്ചി- ബെംഗളൂരു ഇൻഡസ്ട്രിയൽ കോറിഡോർ (കെബിഐസി), പാലക്കാട് & കൊച്ചി
ചെന്നൈ-ബംഗളൂരു ഇൻഡസ്ട്രിയൽ കോറിഡോർ (കെബിഐസി) ചെന്നൈ-ബാംഗ്ലൂരിന്റെ വിപുലീകരണമാണ് ഇന്ത്യാ ഗവൺമെന്റ് അംഗീകരിച്ച വ്യവസായ ഇടനാഴി പദ്ധതി. ഇതിന്റെ ഭാഗമായി രണ്ട് നോഡുകൾ - പാലക്കാടുള്ള വ്യാവസായിക  മാനുഫാക്ചറിംഗ് ക്ലസ്റ്ററും കൊച്ചിയിലെ ഗ്ലോബൽ ഇൻഡസ്ട്രിയൽ ഫിനാൻസ്  ആൻഡ് ട്രേഡ് (GIFT) സിറ്റിയും അംഗീകരിച്ചിട്ടുണ്ട്.  നാഷണൽ ഇൻഡസ്ട്രിയൽ കോറിഡോർ ഡെവലപ്‌മെന്റ് ആൻഡ് ഇംപ്ലിമെന്റേഷൻ ട്രസ്റ്റ് (NICDIT), KINFRA എന്നിവ സംയോജിച്ച് നടപ്പിലാക്കുന്ന ഒരു സ്‌പെഷ്യൽ പർപ്പസ് വെഹിക്കിൾ (SPV) വഴിയാണ് കൊച്ചി-ബെംഗളൂരു ഇൻഡസ്ട്രിയൽ കോറിഡോർ (കെബിഐസി) പദ്ധതി നടപ്പിലാക്കുന്നത്. സ്‌പെഷ്യൽ പർപ്പസ് വെഹിക്കിളിലെ (SPV)-യിലെ ഇക്വിറ്റി പങ്കാളിത്തം സംസ്ഥാന സർക്കാരിനും NICDIT, കേന്ദ്രവാണിജ്യ വ്യവസായ മന്ത്രാലയത്തിനും 50:50 ആണ്. കേരള സർക്കാർ ഷെയർ എന്ന നിലയിൽ എല്ലാ ബാധ്യതകളിൽ നിന്നും മുക്തമായി ഭൂമി എസ്പിവിക്ക് കൈമാറും. എസ്്പിവി ക്ക് കൈമാറിയ ഭൂമിയുടെ വിലയ്ക്ക് തുല്യമായ സംഭാവന കേന്ദ്രസർക്കാർ നൽകും.
പദ്ധതിയുടെ ഭൂമി  പാലക്കാട് ജില്ലയിൽ ഏകദേശം 1800 ഏക്കർ ഭൂമിയുണ്ട്. എറണാകുളം ജില്ലയിലെ അയ്യമ്പുഴയിൽ ഏകദേശം 358 ഏക്കർ ഭൂമിയുണ്ട്.
ലക്ഷ്യത്തിന്റെ വ്യാപ്തി ഉൽപ്പാദന മേഖലയിലെ വളർച്ചയെ ഉത്തേജിപ്പിക്കുന്നതിന് ഇടനാഴിയോടൊപ്പം സംയോജിത ഉൽപ്പാദന ക്ലസ്റ്ററുകളും നിർദ്ദേശിക്കപ്പെടുന്നു. ലോകമെമ്പാടുമുള്ള വ്യാവസായിക, ധനകാര്യ, വ്യാപാര നഗരം സൃഷ്ടിക്കാൻ ലക്ഷ്യമിടുന്ന ഗിഫ്റ്റ്‌സിറ്റി (ആഗോളവ്യാവസായിക, ധനകാര്യ, വ്യാപാരനഗരം) എന്ന അത്യാധുനിക അടിസ്ഥാന സൗകര്യ പദ്ധതി വികസിപ്പിക്കും. സാമ്പത്തികമായി ലാഭകരമായ ഐടി/ഐടിഇഎസ് സേവനങ്ങളുടെയും സാമ്പത്തിക സേവനങ്ങളുടെയും വളർച്ചയ്ക്ക് ഇത്  ഒരു സംയോജിത പരിസ്ഥിതി വ്യവസ്ഥയും നൽകും.
പദ്ധതിയുടെ പ്രതീക്ഷിക്കുന്നനേട്ടം നിക്ഷേപം 10,000 കോടി രൂപ 5 മുതൽ 8 വരെയുള്ള കാലയളവിൽ 22,000 പേർക്ക് നേരിട്ടും 80,000 പേർക്ക് പരോക്ഷമായും തൊഴിൽ ലഭിക്കും.  നിക്ഷേപം 3000 കോടി രൂപ തൊഴിൽ 10000 നേരിട്ടും 20000 പരോക്ഷമായും.  സംസ്ഥാനത്തിലേക്കുള്ള നികുതി വരുമാനം പ്രതിവർഷം 585 കോടി രൂപ.
3. സ്റ്റാൻഡേർഡ് ഡിസൈൻ ഫാക്ടറി (ഘട്ടം-II), KFVP, തിരുവനന്തപുരം
ഐടി, ഐടിഇഎസ് വ്യവസായങ്ങളിൽ നിന്നുള്ള വർധിച്ച ഡിമാൻഡ് കൊണ്ടാണ്  'പ്രഗതി'യുടെ മാതൃകയിൽ ഒരു പുതിയ സമുച്ചയം വികസിപ്പിക്കുക എന്ന ആശയം ഉയർന്നുവന്നത്. 2.13 ലക്ഷം ചതുരശ്ര അടി വിസ്തീർണമുള്ള ഏഴ് നിലകളുള്ള ഓഫീസുകളും വിനോദ സ്ഥലങ്ങളുമുള്ള ബിൽറ്റ്-അപ്പ് ഏരിയയാണ് പദ്ധതി. 78.476 കോടി രൂപയാണ് നിർദ്ദിഷ്ട പദ്ധതി ചെലവ്.  2500 പേർക്ക് നേരിട്ടും 1500 പേർക്ക് പരോക്ഷമായും തൊഴിൽ ലഭിക്കുമെന്ന് പ്രതീക്ഷിക്കുന്നു. 600 കോടി നിക്ഷേപം പ്രതീക്ഷിക്കുന്ന ഈ പദ്ധതി 3 വർഷത്തിനുള്ളിൽ പ്രവർത്തനക്ഷമമാകും.
4. ഇലക്ട്രോണിക് മാനുഫാക്ചറിംഗ് ക്ലസ്റ്റർ, കൊച്ചി
ഇന്ത്യയിലെ ഇലക്ട്രോണിക് മാനുഫാക്ചറിംഗ് ഇക്കോസിസ്റ്റം ശക്തിപ്പെടുത്തുക എന്ന ലക്ഷ്യത്തിന്റെ ഭാഗമായി, കേന്ദ്രസർക്കാരിന്റെ സഹായത്തോടെ കിൻഫ്ര ഇലക്ട്രോണിക് മാനുഫാക്ചറിംഗ് ക്ലസ്റ്റർ വികസിപ്പിച്ചെടുത്തിട്ടുണ്ട്. 66.87 ഏക്കർ സ്ഥലത്ത് ആരംഭിക്കുന്ന ഈ ഇലക്ട്രോണിക് ആൻഡ് മാനുഫാക്ചറിംഗ് ക്ലസ്റ്റർ ഇലക്ട്രോണിക്‌സ്, അനുബന്ധ യൂണിറ്റുകൾക്കു മാത്രമായി നീക്കിവെച്ചിരിക്കുന്നു.  പദ്ധതിയുടെ ആകെ ചെലവ് 35.06 കോടി രൂപയാണ്. ഈ പദ്ധതികളിൽ നിന്ന് 11,230 തൊഴിലവസരങ്ങളും 850 കോടി രൂപയുടെ നിക്ഷേപവും പ്രതീക്ഷിക്കുന്നു. പ്രസ്തുത പദ്ധതി 2023 മാർച്ചിൽ പൂർത്തിയാകും. ഏകദേശം 700 കോടി രൂപ മുതൽമുടക്കിൽ EMC-ൽ 36.84 ഏക്കർ സ്ഥലത്ത് ഇലക്ട്രോണിക് ഹാർഡ് വെയറിനും ഐടി/ഐടിഇഎസിനുമായി ഒരു കാമ്പസ് പ്രവർത്തിപ്പിക്കാൻ ടിസിഎസ് ലിമിറ്റഡ് ഉദ്ദേശിക്കുന്നു, കൂടാതെ ഏകദേശം 10,000 ജീവനക്കാരെ ഉൾക്കൊള്ളിക്കാനുമാകും. നിർദിഷ്ട പദ്ധതിക്ക് ടിസിഎസ് ഇന്നൊവേഷൻ പാർക്ക് എന്ന് പേരിടും.
5. സ്‌പൈസസ് പാർക്ക് (ഘട്ടം-I),                   തൊടുപുഴ, ഇടുക്കി
സുഗന്ധവ്യഞ്ജന സംസ്‌കരണ ഫാക്ടറികൾ സ്ഥാപിക്കുന്നതിന് കേന്ദ്രസർക്കാർ എംഎസ്എംഇ സിഡിപി(MSME CDP) പദ്ധതിയിൽ ഉൾപ്പെടുത്തി കിൻഫ്രയ്ക്ക് തത്വത്തിൽ അനുമതി നൽകിയിട്ടുണ്ട്. ഇടുക്കി ജില്ലയിലെ തൊടുപുഴയിലാണ് പാർക്ക്. 21.46 കോടി രൂപയാണ് പദ്ധതിയുടെ ചെലവ്. ആദ്യഘട്ടത്തിൽ 15 ഏക്കറിലാണ് വികസന പ്രവർത്തനങ്ങൾ. 2023 ജൂണിൽ പാർക്ക് പൂർത്തിയാകുമെന്ന് പ്രതീക്ഷിക്കുന്നു.  സുഗന്ധവ്യഞ്ജനങ്ങളുടെ പാക്കേജിംഗ്, സംഭരണം, കയറ്റുമതി എന്നീ സംരഭങ്ങളിലൂടെ 300 പേർക്ക് തൊഴിൽ ലഭിക്കും. സ്വകാര്യ നിക്ഷേപമായി 45 കോടി രൂപയും പ്രതീക്ഷിക്കുന്നു.
6. ഇന്റർനാഷണൽ എക്‌സിബിഷൻ കം കൺവെൻഷൻ സെന്റർ, (ഐഇസിസി) കാക്കനാട്, കൊച്ചി
കാക്കനാട് ഏഴേക്കർ സ്ഥലത്ത് ഒരു ഇന്റർനാഷണൽ എക്‌സിബിഷൻ കം കൺവെൻഷൻ സെന്റർ കിൻഫ്ര വികസിപ്പിക്കുന്നുണ്ട്.  അന്താരാഷ്ട്ര വിപണി കണ്ടെത്തുന്നതിന് എംഎസ്എംഇ യൂണിറ്റുകളെ ഐഇസിസി  സഹായിക്കും. എക്‌സിബിഷനുകൾ സംഘടിപ്പിക്കാൻ സഹായിക്കുകയും ഉത്പാദനത്തോടൊപ്പം വിപണനത്തിനും ഇങ്ങനെ എംഎസ്എംഇകളെ ഐഇസിസി പ്രോത്സാഹിപ്പിക്കുകയും ചെയ്യുന്നു. ഇത് കയറ്റുമതി, വാണിജ്യം, സേവനങ്ങൾ എന്നിവയുടെ വിപുലീകരണത്തിന് സഹായിക്കുന്നു. 90 കോടി രൂപയാണ് പദ്ധതിയുടെ എസ്റ്റിമേറ്റ് തുക.  പദ്ധതിയുടെ പൂർത്തീകരണ തീയതി ജൂലൈ 2024 ആണ്.
7. കിൻഫ്ര ഇൻഡസ്ട്രിയൽ പാർക്ക്,                                   മട്ടന്നൂർ, കണ്ണൂർ
കണ്ണൂരിലെ മട്ടന്നൂരിൽ സ്ഥിതി ചെയ്യുന്ന ഈ പാർക്കിന് ആകെ 128 ഏക്കർ വിസ്തൃതിയുണ്ട്. 67.74 കോടി രൂപയുടെ മൊത്തം പദ്ധതിച്ചെലവുള്ള ഈ വ്യവസായ പാർക്ക് 2023 ജൂണിൽ പൂർത്തിയാകുമെന്ന് പ്രതീക്ഷിക്കുന്നു.
8. കിൻഫ്ര റൈസ് ടെക്‌നോളജി പാർക്കുകൾ, പാലക്കാട്, ആലപ്പുഴ
സംസ്ഥാനത്തെ നെൽകർഷകരുടെ പ്രശ്‌നങ്ങൾക്കുള്ള പരിഹാരങ്ങളിലൊന്നാണ് ആലപ്പുഴയിലും പാലക്കാട്ടും റൈസ് ടെക്‌നോളജി പാർക്കുകൾ. ഇതിന്റെ ഭാഗമായി ഇന്റഗ്രേറ്റഡ് റൈസ് ടെക്‌നോളജി പാർക്കുകൾ വികസിപ്പിക്കുന്ന പ്രക്രിയയിലാണ് കിൻഫ്ര. യഥാക്രമം 5 & 5.55 ഏക്കർ ഭൂമിയിലെ ഈ പദ്ധതിയുടെ എസ്റ്റിമേറ്റ് തുക  പാലക്കാട് 39.5 കോടി ആലപ്പുഴ   66.5 കോടി എന്നിങ്ങനെയാണ്. രണ്ട് പദ്ധതികളും 3 വർഷത്തിനുള്ളിൽ പൂർത്തിയാകുമെന്നാണ് പ്രതീക്ഷിക്കുന്നത്.
9. വ്യാവസായിക ജലവിതരണം,                         കൊച്ചി, പാലക്കാട്
വ്യാവസായിക യൂണിറ്റുകൾക്കുള്ള ജലത്തിന്റെ ആവശ്യം കണക്കിലെടുത്ത് യഥാക്രമം 45 MLD, 10 MLD ജലവിതരണ സംവിധാനങ്ങൾ കൊച്ചിയിലും പാലക്കാട്ടും നടപ്പിലാക്കാൻ കിൻഫ്ര ഉദ്ദേശിക്കുന്നു. ഈ പദ്ധതികൾ ഭൂഗർഭജലത്തിന്റെ ഉപയോഗം പരിമിതപ്പെടുത്തുകയും വ്യവസായ യൂണിറ്റുകൾക്ക് ആവശ്യമായ വെള്ളം നൽകുകയും ചെയ്യും.
10. അഡ്വാൻസ്ഡ് ടെക്‌നോളജി പാർക്ക്,               രാമനാട്ടുകര, കോഴിക്കോട്
സംസ്ഥാനത്ത് സാങ്കേതിക വിദ്യയുടെ വളർച്ചയ്ക്ക് കരുത്തേകുന്ന അത്യാധുനിക സാങ്കേതിക പാർക്കിനായി 77 ഏക്കർ സ്ഥലം കോഴിക്കോട് രാമനാട്ടുകരയിൽ നീക്കിവച്ചിട്ടുണ്ട്. ആവശ്യമായ എല്ലാ സൗകര്യങ്ങളോടും കൂടി 1.2 ലക്ഷം ചതുരശ്ര അടി വിസ്തീർണമുള്ള ഒരു റെഡി-ടു-മൂവ് സ്റ്റാൻഡേർഡ് ഡിസൈൻ ഫാക്ടറി പൂർത്തിയായി.
11. കിൻഫ്ര മെഗാ ഫുഡ് പാർക്ക് (ഘട്ടം-II), പാലക്കാട്
ഗവൺമെൻറ് ഫുഡ് പ്രോസസിംഗ് ഇൻഡസ്ട്രീസ് മന്ത്രാലയത്തിന്റെ (MoFPI) മെഗാ ഫുഡ് പാർക്ക് സ്‌കീമിന് കീഴിലാണ് മെഗാ ഫുഡ് പാർക്കിന്റെ ആദ്യ ഘട്ടം സ്ഥാപിച്ചത്. പാലക്കാട്ട് 79.42 ഏക്കർ ഭൂമിയിൽ ഒന്നാം ഘട്ടം പൂർണ്ണമായും അലോട്ട് ചെയ്തു കഴിഞ്ഞു.  സംരംഭകരിൽ നിന്നുള്ള ആവശ്യവും ഭക്ഷ്യ വ്യവസായത്തിന്റെ സാധ്യതയും കണക്കിലെടുത്ത്, പാലക്കാട് ജില്ലയിലെ എലപ്പുള്ളി വില്ലേജിലെ മറ്റൊരു 18.09 ഏക്കർ വ്യാവസായിക ഭൂമി ഒന്നാം ഘട്ടത്തോട് ചേർന്ന്, രണ്ടാം ഘട്ടമായി വികസിപ്പിക്കാൻ ഉദ്ദേശിക്കുന്നു. വെയർഹൗസ് സൗകര്യം, കോൾഡ് സ്റ്റോറേജ് സൗകര്യം, പാക്ക് ഹൗസ് സൗകര്യം, റൈപ്പനിങ്ങ് ചേംബർ സൗകര്യം, സുഗന്ധവ്യഞ്ജന സംസ്‌കരണ സൗകര്യം, അഡ്മിൻ ബിൽഡിംഗ് കോംപ്ലക്‌സ് സൗകര്യം തുടങ്ങിയ അടിസ്ഥാന സൗകര്യങ്ങൾ ഒന്നാം ഘട്ടത്തിൽ നിന്നും വിപുലീകരിക്കുക എന്നതാണ് പദ്ധതിയുടെ പ്രധാന ദൗത്യം. ഇതിലൂടെ ഘട്ടം-2-ലെ യൂണിറ്റുകൾക്ക് ഇവ ഒരേപോലെ ലഭ്യമാവുകയും ആക്‌സസ് ചെയ്യാവുന്നതുമാകും.
12.  വിവിധ സ്ഥലങ്ങളിലെ ചെറുകിട ഭക്ഷ്യോത്പാദന പദ്ധതികൾ
 2022-23 ലെ സ്റ്റേറ്റ് ബജറ്റിൽ ഭക്ഷ്യമേഖലയിൽ MSME യുടെ വളർച്ചയ്ക്ക് സഹായകമാകുന്ന ഫുഡ് പാർക്കുകൾ സ്ഥാപിക്കുന്നതിനുള്ള ചുമതല കിൻഫ്രയിൽ നിക്ഷിപ്തമാണ്. ഒരു ഫുഡ് പാർക്ക് സ്ഥാപിക്കുന്നതിന് ആവശ്യമായ ഭൂമി 10 ഏക്കറാണ്, അതിൽ ഒരു യൂണിറ്റിന് ശരാശരി 0.30 ഏക്കർ പ്ലോട്ട് വലുപ്പത്തിൽ 25 യൂണിറ്റുകൾ ഉൾക്കൊള്ളാൻ കഴിയും. റോഡുകൾ, വൈദ്യുതി, ജലവിതരണം, ഡ്രെയിനേജ്, പ്ലോട്ടുകളുടെ വികസനം, മഴക്കൊയ്ത്ത്, ബിൽറ്റ്-അപ്പ് മൊഡ്യൂളുകൾ തുടങ്ങിയവയാണ് പാർക്കിൽ ഉദ്ദേശിക്കുന്ന പ്രാഥമിക അടിസ്ഥാന സൗകര്യങ്ങൾ.
13. ഇൻഡസ്ട്രിയൽ ഫെസിലിറ്റേഷൻ പാർക്കുകൾ
വ്യാവസായിക ആവശ്യങ്ങൾക്കായി ലഭ്യമായ ഭൂമിയുടെ പരിമിതികളെ കണക്കിലെടുത്ത് ജില്ലാ വ്യാവസായിക സൈറ്റ് സെലക്ഷൻ കമ്മിറ്റി 10 പാഴ്‌സൽ ഭൂമി വിലയിരുത്തി വ്യവസായ വികസനത്തിന് പ്രഥമദൃഷ്ട്യാ അനുയോജ്യമാണെന്ന് നിർണ്ണയിച്ചു. 10-ൽ 9 പാഴ്‌സലുകൾ ചെറുകിട വ്യാവസായിക യൂണിറ്റുകളുടെയും പ്ലഗ്-എൻ-പ്ലേ സൗകര്യങ്ങളുടെയും നിർമ്മാണത്തിന് സ്വീകാര്യമായി കണക്കാക്കപ്പെട്ടു. യുണൈറ്റഡ് ഇലക്ട്രിക്കൽ ഇൻഡസ്ട്രീസ് ലിമിറ്റഡ് (UEI)കൊല്ലം ഒരു പൈലറ്റ് പ്രോജക്റ്റായി പൂർത്തീകരിച്ചിരിക്കുന്നു. അതിൽ 96 സെന്റ് സ്ഥലവും ഫാക്ടറി സൗകര്യവുമുണ്ട്.
14. കണ്ണൂരിലെ ലാൻഡ് ബാങ്ക്
1067 വിസ്തൃതിയിൽ കണ്ണൂരിൽ ഒരു ലാൻഡ് ബാങ്ക് വികസിപ്പിക്കാനുള്ള ശ്രമത്തിലാണ് കിൻഫ്ര. സ്ഥലങ്ങൾ ഏറ്റെടുക്കുന്നത് അവസാന ഘട്ടത്തിലെത്തിയിരിക്കുന്നു. വെള്ളാപ്പറമ്പ് - 500 ഏക്കർ, പനയത്താംപറമ്പ് - 500 ഏക്കർ, മട്ടന്നൂരിൽ 54 ഏക്കർ എന്നിങ്ങനെ ഒന്നാം ഘട്ടത്തിന്റെ ഭാഗമായി 1054 ഏക്കർ ഭൂമി ഏറ്റെടുക്കൽ പൂർത്തിയായി വരുന്നു.
സമയബന്ധിതമായ ആസൂത്രണത്തിലൂടെ ലക്ഷ്യപ്രാപ്തി കൈവരിച്ച വർഷമായിരുന്നു 2022. സംസ്ഥാന സർക്കാർ പ്രഖ്യാപിച്ച കോവിഡ് പുനരധിവാസ പദ്ധതികളായ വ്യവസായ ഭദ്രത പദ്ധതി, സമാശ്വാസ പദ്ധതി തുടങ്ങിയ പദ്ധതികളിലൂടെ മുൻ വർഷങ്ങളെ അപേക്ഷിച്ച് നേട്ടമുണ്ടാക്കാനും കിൻഫ്രയ്ക്ക് കഴിഞ്ഞു.  വിവിധ കിൻഫ്ര പാർക്കുകളിൽ 10 പ്രമുഖ കമ്പനികളുടെ നിക്ഷേപമാണ് കഴിഞ്ഞ സാമ്പത്തിക വർഷത്തെ പ്രധാന നേട്ടം. ഇത് 5000 തൊഴിലവസരങ്ങൾ സൃഷ്ടിക്കുന്നതിനും 1000 കോടി രൂപയുടെ നിക്ഷേപത്തിനും ചാലകശക്തിയായി.  കാക്കനാട് - കൊച്ചി ഇലക്ട്രോണിക് മാനുഫാക്ചറിംഗ് ക്ലസ്റ്ററിലെ   ടിസിഎസ്, വി ഗാർഡ്, അഗപ്പെ ഡയഗ്‌നോസ്റ്റിക്‌സ്, മലബാർ നാച്ചുറൽ ഫുഡ്‌സ് പ്രൈവറ്റ് ലിമിറ്റഡ്, ഹൈക്കോൺ, ട്രാൻസ് ഏഷ്യൻ ഷിപ്പിംഗ് കമ്പനി, കിൻഫ്ര ഫിലിം ആൻഡ് വീഡിയോ പാർക്കിലെ ടാറ്റ എൽക്‌സി & വിൻവിഷ് ടെക്‌നോളജീസ്, ട്രാൻസ് ഏഷ്യൻ ഷിപ്പിംഗ് കമ്പനി, ജനറൽ റോബോട്ടിക്‌സ് ഇന്നൊവേഷൻസ്, കൊച്ചിയിലെ പെട്രോകെമിക്കൽ പാർക്കിലെ ജോളി കോട്ട്‌സ്, ടാർടെക്, ഡീൻസ് കൺസ്ട്രക്ഷൻസ് എന്നിവയ്ക്കാണ് മേല്പറഞ്ഞ അലോട്ട്‌മെന്റുകൾ ലഭിച്ചത്.  ഈ സാമ്പത്തിക വർഷത്തിൽ കിൻഫ്രയുടെ മറ്റൊരു നാഴികക്കല്ല്, പ്രത്യേക സാമ്പത്തിക മേഖല (SEZ) യിലെ ഐടി, ഐടി ഇനേബിൾഡ് സർവ്വീസസ് (IT/ITES) കമ്പനികൾക്കായി ഏകദേശം 2 ലക്ഷം ചതുരശ്ര അടി ബിൽറ്റ്-അപ്പ് ഏരിയയിൽ ഒമ്പത് നിലകളുള്ള, അത്യാധുനിക ഐടി കെട്ടിടത്തിന്റെ നിർമ്മാണം പൂർത്തിയാക്കി അനുവദിച്ചതാണ്.
ഇന്ത്യാ ഗവൺമെന്റിന്റെ വാണിജ്യ-വ്യവസായ മന്ത്രാലയത്തിന്റെ വ്യവസായ, ആഭ്യന്തര വ്യാപാര പ്രോത്സാഹന വകുപ്പ് അവതരിപ്പിച്ച ഇൻഡസ്ട്രിയൽ പാർക്ക് റേറ്റിംഗ് സിസ്റ്റം (IPRS 2.0) അനുസരിച്ച്, ഏറ്റവും മികച്ച റേറ്റിംഗ് (മികച്ച പ്രകടനം കാഴ്ചവയ്ക്കുന്ന) 15 പാർക്കുകളിൽ ഒന്നായി കേരളം ഉയർന്നു.
2021-22 സാമ്പത്തിക വർഷത്തെ നേട്ടങ്ങൾ -                    ഒറ്റനോട്ടത്തിൽ
1. 2021-22 ലെ കിൻഫ്ര അലോട്ട്‌മെന്റിലൂടെയും ഈ സാമ്പത്തിക വർഷത്തിൽ ഒക്ടോബർ വരെ ഏകദേശം 23000 തൊഴിലവസരങ്ങൾ സൃഷ്ടിക്കപ്പെടുകയും 250 അലോട്ട്‌മെന്റുകളിലൂടെ ഏകദേശം 1800 കോടി സ്വകാര്യ നിക്ഷേപങ്ങൾ കേരളത്തിലേക്ക് കൊണ്ടുവരികയും ചെയ്തു.രണ്ടാം എൽഡിഎഫ് ഗവൺമെന്റിന്റെ കാലത്ത്, കഴിഞ്ഞ 5 വർഷത്തിനിടയിൽ അനുവദിച്ച അലോട്ട്‌മെന്റിന് ഏകദേശം ആനുപാതികമായി കിൻഫ്ര കൈവരിച്ചു, ഇത് കേരളത്തിലെ മൊത്തം നിക്ഷേപവും തൊഴിലവസരവും നേരിട്ട് വർദ്ധിപ്പിച്ചു