എക്കാലത്തേയും ജനപ്രിയ ഇലക്ട്രോണിക്സ് ബ്രാൻഡായ എൽജി ഇലക്ട്രോണിക്സ് (എൽജി) ഒരു പുതിയ ബ്രാൻഡ് ഐഡന്റിറ്റി അനാവരണം ചെയ്തു. ഇത് എല്ലാ ഫിസിക്കൽ, ഡിജിറ്റൽ കസ്റ്റമർ ടച്ച് പോയിന്റുകളിലുടനീളം കൂടുതൽ ചലനാത്മകവും പുതിയതുമായ രൂപത്തോടെ ലൈഫ്സ് ഗുഡിന്റെ വളർച്ചയിലേക്ക് വെളിച്ചം വീശും. ലോകമെമ്പാടുമുള്ള ജീവനക്കാരുമായി പങ്കിട്ട കമ്പനിയുടെ പുതിയ ബ്രാൻഡ് കമ്മ്യൂണിക്കേഷൻ മാർഗ്ഗനിർദ്ദേശങ്ങളിൽ എൽജി, ബ്രാൻഡിന്റെ പുതിയ ദിശ വിവരിച്ചു. കമ്പനി പറയുന്നതനുസരിച്ച്, ബ്രാൻഡ് കമ്മ്യൂണിക്കേഷൻ മാർഗ്ഗനിർദ്ദേശങ്ങൾ എൽജിയുടെ പ്രധാന മൂല്യങ്ങളായ ‘അൺകോംപ്രമൈസിംഗ് കസ്റ്റമർ എക്സ്പീരിയൻസ്,’ ‘മനുഷ്യ കേന്ദ്രീകൃതമായ നൂതനാശയങ്ങൾ’, ‘വാംത്ത് ടു പവർ എ സ്മൈൽ’ എന്നിവ മുറുകെ പിടിക്കുന്നുണ്ട്.
പുതിയ ബ്രാൻഡ് ഐഡന്റിറ്റിയെക്കുറിച്ച് അഭിപ്രായപ്പെട്ടു, എൽജി ഇലക്ട്രോണിക്‌സിന്റെ സിഇഒ വില്യം ചോ പറഞ്ഞു,“ശക്തവും സ്ഥിരതയുള്ളതുമായ ബ്രാൻഡ് തന്ത്രം ഉള്ളത് കൊണ്ട്, നവീകരണവും ഊഷ്മളതയും സമന്വയിപ്പിക്കുന്ന പുതിയ മൂല്യനിർദ്ദേശവും ഐഡന്റിറ്റിയും നന്നായി ആശയവിനിമയം നടത്താൻ കമ്പനിയെ പ്രാപ്‌തരാക്കുന്നു. പുതിയ ബ്രാൻഡ് തന്ത്രം നടപ്പിലാക്കുന്നതിലൂടെ, എല്ലാ തലമുറകൾക്കും, പ്രദേശങ്ങൾക്കും അതീതമായി ഉപഭോക്താക്കളുമായി ഇടപെഴകുന്ന ഒരു ഐക്കണിക് ബ്രാൻഡായി മാറാനാണ് എൽജി ലക്ഷ്യമിടുന്നത്. കൂടാതെ, ഡിജിറ്റൽ സ്‌പെയ്‌സിൽ കമ്പനിയുടെ ലോഗോ സജീവമാകും. ഇത് ഒരു പുതിയ തലത്തിലുള്ള പ്രകടനവുമായി ഉപഭോക്താക്കളെ ഇടപഴകാൻ അനുവദിക്കുന്നു. 'L', 'G' എന്നീ അക്ഷരങ്ങൾ ചേർന്ന ബ്രാൻഡ് ചിഹ്നത്തിന് തലയാട്ടലും കറക്കവും കണ്ണിറുക്കലും ഉൾപ്പെടെ എട്ട് അദ്വിതീയ രീതിയിൽ ചലിക്കാൻ കഴിയും. പുതിയ മാറ്റങ്ങൾക്കൊപ്പം ബ്രാൻഡ് ലോഗോയ്ക്ക് ഉപഭോക്താക്കളെ സൗഹാർദ്ദപരമായ പുഞ്ചിരിയോടെ അഭിവാദ്യം ചെയ്യാനും, ഡിജിറ്റൽ പ്ലാറ്റ്‌ഫോമുകളിൽ പശ്ചാത്തല സംഗീതത്തോടൊപ്പം വൈവിധ്യമാർന്ന രസകരമായ വഴികളിലൂടെ നീങ്ങാനോ കഴിയും.
കൂടാതെ, ലൈഫ്സ് ഗുഡ് എന്ന ബ്രാൻഡ് മുദ്രാവാക്യം എക്കാലത്തും പ്രിയങ്കരമാണ്. എൽജി ഉൽപ്പന്നങ്ങൾ, സേവനങ്ങൾ, ആശയവിനിമയം എന്നിവയിലൂടെ ഗുണനിലവാരമുള്ള ബ്രാൻഡ് ലൈഫും, വിലയേറിയ നിമിഷങ്ങളും ആസ്വദിക്കാൻ കമ്പനി ഉപഭോക്താക്കളെ പ്രാപ്തരാക്കുന്നതിനെയാണ് ഈ ലോഗോയുടെ സന്ദേശം ഉൾക്കൊള്ളുന്നു. പുതിയ മാറ്റങ്ങളിൽ എൽജിയുടെ വിഷ്വൽ ഐഡന്റിറ്റിയുടെ നവീകരണം ഉൾപ്പെടുന്നു. പുതിയ മാറ്റങ്ങൾ ബ്രാൻഡിന്റെ നിലവിലുള്ള ഊഷ്മളതയും ഐക്യബോധവും നിലനിർത്തുന്നു. നിലവിലുള്ള ബ്രാൻഡ് ഇമേജിൽ ഒരു പുതിയ വിഷ്വൽ ഐഡന്റിറ്റിയിലൂടെ കൂടുതൽ ഉപഭോക്താക്കളുമായുള്ള ആശയവിനിമയം വർദ്ധിപ്പിക്കാനാണ് കമ്പനി ലക്ഷ്യമിടുന്നത്.
Post your comments