ബ്രോഡ് ബാൻഡ് ഉപഭോക്താക്കൾക്ക് ഓഫറുമായി ബിഎസ്എൻഎൽ. ഭാരത് ഫൈബർ, ഡിജിറ്റൽ സബ്സ്ക്രൈബർ ലൈൻ ഉപഭോക്താക്കൾക്ക് ആണ് നാല് മാസം വരെ സൗജന്യ ബ്രോഡ്ബാൻഡ് സേവനം നൽകുന്നത്. ബിഎസ്എൻഎൽ ലാൻഡ്‌ലൈൻ, ബ്രോഡ്ബാൻഡ് ഓവർ വൈ-ഫൈ വരിക്കാർക്കും ഈ ഓഫർ ബാധകമാണ്. ഇന്ത്യയൊട്ടാകെ ഓഫര്‍ ലഭിക്കും. നിലവിലെ വരിക്കാര്‍ക്കാണ് അധിക ബ്രോഡ്ബാൻഡ് സേവനം വാഗ്ദാനം ചെയ്യുന്നത്.
പൊതുമേഖലാ ടെലികോം കമ്പനി ആൻഡമാൻ നിക്കോബാർ സർക്കിൾ ഒഴികെയുള്ള എല്ലാ സർക്കിളുകളിലും പ്രത്യേക ഓഫര്‍ പ്രഖ്യാപിച്ചിട്ടുണ്ട്. വിവിധ സര്‍ക്കിളുകളിൽ ഒരേ താരിഫ് വാഗ്ദാനം ചെയ്യുന്ന ഭാരത് ഫൈബർ പ്ലാനുകൾ ബിഎസ്എൻഎലിനുണ്ട്. ഈ പ്ലാൻ എടുത്തിട്ടുള്ള ഉപഭോക്താക്കൾക്ക് അധിക മാസം ബ്രോഡ്ബാൻഡ് സേവനങ്ങൾ നൽകുന്നതാണ് ഓഫര്‍. നിലവിൽ ബ്രോഡ്ബാൻഡ് കണക്ഷൻ ഉള്ളവര്‍ക്കാണ് അധിക ഓഫര്‍ ലഭിക്കുക. 36 മാസത്തെ പ്ലാൻ എടുത്തവര്‍ക്കാണ് അധിക ഇൻറര്‍നെറ്റ് ലഭിക്കുക. 449 രൂപ മുതലുള്ള പാക്കുകൾ ലഭ്യമാണ്. 36 മാസത്തെ ബ്രോഡ് ബാൻഡ് പ്ലാൻ എടുത്തവര്‍ക്ക് നാല് മാസം അധികം ബ്രോഡ്ബാൻഡ് സേവനങ്ങൾ നൽകും. ഇതിന് തുക ഈടാക്കില്ല.
ബിഎസ്എൻഎൽ ബ്രോഡ്ബാൻഡ് ഉപഭോക്താക്കൾക്ക് 24 മാസത്തേക്ക് മുൻകൂർ വാടക അടച്ചാൽ മൂന്ന് മാസത്തെ സൗജന്യ സേവനവും കമ്പനിവാഗ്ദാനം ചെയ്യുന്നുണ്ട്. കൂടാതെ, 12 മാസത്തെ മുൻകൂർ വാടക നൽകുന്ന വരിക്കാർക്ക് ഒരു മാസത്തേക്ക് സൗജന്യ സേവനം ലഭിക്കും. ബിഎസ്എൻഎൽ ടോൾ ഫ്രീ നമ്പറിൽ വിളിച്ചും ഓഫറുകൾ അറിയാം. 1800003451500 എന്ന നമ്പറിൽ വിളിക്കാം.
ബിഎസ്എൻഎൽ കഴിഞ്ഞ വർഷം ഫെബ്രുവരിയിൽ മഹാരാഷ്ട്ര സർക്കിളിൽ സൗജന്യ ബ്രോഡ്ബാൻഡ് സേവനങ്ങൾ നൽകിയിരുന്നു. ഇതാണ് രാജ്യമെമ്പാടും നൽകുന്നത്.
ഭാരത് ഫൈബർ, DSL, ലാൻഡ്‌ലൈൻ, വൈഫൈ ഉപഭോക്താക്കൾക്ക് ഓഫര്‍ ലഭിക്കും. മൂന്ന് വര്‍ഷത്തെ തുക നൽകുന്നവര്‍ക്കാണ് നാല് മാസത്തെ സൗജന്യ ബ്രോഡ്ബാൻഡ് സേവനം ലഭിക്കുക
Post your comments