പുതുവർഷത്തിൽ വൻ ഓഫറുകളാണ് ബിഎസ്എൻഎൽ ഉപഭോക്താക്കൾക്കായി അവതരിപ്പിക്കുന്നത്. കഴിഞ്ഞദിവസം അൺലിമിറ്റഡ് കോൾ ഓഫർ ബിഎസ്എൻഎൽ യഥാർത്ഥത്തിൽ ‘പരിധിയില്ലാതെ’ ആക്കി. നേരത്തെ അൺലിമിറ്റഡ് ഫോൺ കോൾ ഓഫർ വാങ്ങുന്നവർക്ക് പ്രതിദിനം 250 മിനിറ്റ് മാത്രമായിരുന്നു സൗജന്യമായി വിളിക്കാൻ ലഭിച്ചിരുന്നത്. ഇതിനു ശേഷം ഉപയോക്താക്കളുടെ പ്ലാൻ അനുസരിച്ച് തുക ഈടാക്കിയിരുന്നു.
ഈ നിബന്ധന ബിഎസ്എൻഎൽ എടുത്തുമാറ്റി. 2021 ജനുവരി 10 (ഞായറാഴ്ച) മുതൽ ഇത് പ്രാബല്യത്തിൽ വരും. ഇതോടെ അൺലിമിറ്റഡ് കോൾ ഓഫർ എടുക്കുന്ന ബിഎസ്എൻഎല്ലിന്റെ എല്ലാ പ്രീപെയ്ഡ്, പോസ്റ്റ് പെയ്ഡ് ഉപയോക്താക്കൾക്കും ദിവസം മുഴുവൻ സൗജന്യമായി ഫോൺ വിളിക്കാൻ സാധിക്കും. പുതിയ ഓഫർ പ്രഖ്യാപിച്ചതിന് പിന്നാലെ എഫ്യുപി പരിധിയെക്കുറിച്ച് ആശങ്കപ്പെടാതെ ഉപയോക്താക്കൾക്ക് ഇന്ത്യയ്ക്കകത്ത് അൺലിമിറ്റഡായി വോയിസ് കോളിങ് നടത്താനാകുന്ന പുതിയ റീചാർജ് പ്ലാനും ബിഎസ്എൻഎൽ പുറത്തിറക്കിയിട്ടുണ്ട്.
Post your comments