ടാറ്റാ സ്കൈ ഉപഭോക്താക്കൾക്ക് സിനിമകൾ കാണുന്നതിനായി പുതിയ പദ്ധതി അവതരിപ്പിച്ചു. ടാറ്റാ സ്കൈ മലയാളം സിനിമ എന്ന പദ്ധതിയാണ് അവതരിപ്പിച്ചിരിയ്ക്കുന്നത്. പ്രാദേശിക സാന്നിദ്ധ്യം ശക്തിപ്പെടുത്തുന്നതിൻെറ ഭാഗമായി കൂടെയാണിത്. ഇതിലൂടെ പ്രതിദിനം 1.5 രൂപയ്ക്ക് പോലുംസിനിമൾ പരസ്യരഹിതമായി കാണാനാകും
ആക്ഷൻ, റൊമാൻസ്, ഡ്രാമ, കോമഡി എന്നിങ്ങനെ വിവിധ സിനിമകൾ ടിവിയിലൂടെ ലഭിക്കുന്നു. ടെലിവിഷനിൽ സിനിമ എത്തുന്നതിന് മുമ്പെയുള്ള എക്സ്ക്ലൂസീവ് മൂവി പ്രിമിയറുകൾ ഉൾപ്പെടെ ഇതിലൂടെ കാണാൻ കഴിയും. ലൈബ്രറിയിൽ ഫീച്ചർ ചെയ്തിരിക്കുന്ന സിനിമകളാണ് ഇങ്ങനെ കാണാനാവുക. വരിക്കാർക്ക് #1805 (SD) -എന്ന ഫോര്മാറ്റിൽ പ്രതിദിനം 1.5 രൂപയ്ക്ക് ഈ സേവനം ലഭിക്കും.
ടാറ്റാ സ്കൈ തെലുങ്ക് സിനിമ, ടാറ്റാ സ്കൈ തമിഴ് സിനിമ, ടാറ്റാ സ്കൈ കന്നഡ സിനിമ, ടാറ്റാ സ്കൈ മലയാളം സിനിമ എന്നിങ്ങനെ ദക്ഷിണേന്ത്യയിലെ നാല് ഭാഷകളിലും ഇപ്പോൾ ടാറ്റാ സ്കൈക്ക് സാന്നിദ്ധ്യമുണ്ട്. ടാറ്റാ സ്കൈ മലയാളം സിനിമ എന്ന പ്ലാറ്റ്ഫോമിലൂടെയാണ് പ്രേക്ഷകർക്ക് പുതിയ സേവനങ്ങൾ ലഭിയ്ക്കുക.
Post your comments