ചൈനീസ് നിരത്തുകളിൽ ഡ്രൈവര്‍ ഇല്ലാ ടാക്സികൾ ഓടിത്തുടങ്ങി. ചൈനയിലെ ഷെൻഷെനിലാണ് ഡ്രൈവര്‍ വേണ്ടാത്ത ടാക്സികൾ വികസിപ്പിച്ചത്. ആലിബാബയുടെ നിക്ഷേപമുള്ള ഓട്ടോഎക്സ് എന്ന സ്റ്റാര്‍ട്ടപ്പാണ് കണ്ടുപിടിത്തത്തിന് പിന്നിൽ. നഗരത്തിലൂടെ ഡ്രൈവറില്ലാതെ തന്നെ കാറുകൾ സഞ്ചരിയ്ക്കുന്നതിൻെറ വീഡിിയോയും സ്റ്റാര്‍ട്ടപ്പ് പങ്കു വെച്ചിട്ടുണ്ട്. വമ്പൻ ട്രക്കുകൾക്കും കാൽനടക്കാര്‍ക്കും ഒക്കെ ഇടയിലൂടെെയാണ് ആളുകളുമായി കാര്‍ സൂക്ഷ്മതോടെ നീങ്ങുന്നത്.
മറ്റ് പൈലറ്റ് പ്രോഗ്രാമുകളിൽ എന്ന പോലെ ഇതിൽ ഡ്രൈവര്‍മാരൊന്നുമില്ല.1.2 കോടിയിലധികം ആളുകൾ ഉള്ള സിറ്റിയിലൂടെയാണ് ഡ്രൈവറില്ലാ ടാക്സി യാത്ര. ഇത് ഒരു സ്വപ്നമായിരുന്നു എന്നും ഇപ്പോൾ സാങ്കേതിക വിദ്യ യാഥാര്‍ത്ഥ്യമായിരിക്കുകയാണെന്നും കമ്പനി സിഇഒ വ്യക്തമാക്കി. സാങ്കേതിക വിദ്യയിലുള്ള വിശ്വാസം തന്നെയാണ് സുരക്ഷയ്ക്ക് കാറിൽ ഡ്രൈവര്‍മാരില്ലാതെ തന്നെ പൈലറ്റ് സ്റ്റഡിയുമായി മുന്നോട്ട് പോകാൻ കമ്പനിയെ പ്രേരിപ്പിച്ചത്.
അതേസമയം കമ്പനിയുടെ പരീക്ഷണങ്ങളുടെ ഭാഗമായി ആണ് നഗരത്തിലെ നിരത്തുകളിലൂടെ വാഹനം ഓടിയ്ക്കുന്നത്. ഇത് പൊതുജനങ്ങൾക്കായി വിട്ടുകൊടുത്തിട്ടില്ല. പൊതുജനങ്ങളുമായി ചൈനീസ് നഗരങ്ങളിലെ വിവിധ നിരത്തുകളിലൂടെ ഡ്രൈവറില്ലാ കാറുകൾ സഞ്ചരിയ്ക്ക് രണ്ടോ മൂന്നോ വര്‍ഷങ്ങൾ കൂടെ കാത്തിരുന്നാൽ മതിയാകും എന്നാണ് സൂചന.
ശതകോടികൾ ചെലവഴിച്ചാണ് ഡ്രൈവര്‍ ഇല്ലാ കാറുകൾക്കായുള്ള സാങ്കേതിക വിദ്യ ലോകമെമ്പാടും വികസിപ്പിയ്ക്കുന്നത്. കമ്പനി ഇതിൽ പൂര്‍ണമായി വിജയിച്ചാൽ മറ്റു നഗരങ്ങളിലേയ്ക്കും രാജ്യങ്ങളിലേയ്ക്കും സേവനം വ്യാപിപ്പിയ്ക്കും. ലോകത്തെ ഏറ്റവും വലിയ വാഹന വിപണിയായ ചൈന, ഓട്ടോമേറ്റഡ് വാഹനങ്ങളുടെ സേവനങ്ങളിലും ഒന്നാമതെത്താനുള്ള ശ്രമത്തിലാണ്
Post your comments