ന്യൂഡല്‍ഹി: പ്രതിവര്‍ഷം രണ്ടര ലക്ഷം രൂപയില്‍ കൂടുതല്‍ ഇടപാടുകള്‍ നടത്തുന്ന സ്ഥാപനങ്ങളും അവയുമായി ബന്ധപ്പെട്ട വ്യക്തികളും ആദായനികുതി വകുപ്പിന്‍റെ പെര്‍മനന്‍റ് അക്കൗണ്ട് നന്പര്‍ (പാന്‍) കാര്‍ഡ് എടുക്കണം. അടുത്ത വര്‍ഷം മേയ് 31നകമാണ് പാന്‍ എടുക്കേണ്ടത്.
കന്പനി, പാര്‍ട്ണര്‍ഷിപ്പ്, ട്രസ്റ്റ് തുടങ്ങി ഏതുതരം പ്രസ്ഥാനത്തിനും ഇതു ബാധകമാണ്. ഇവയുടെ മാനേജിംഗ് ഡയറക്ടര്, ഡയറക്ടര്, പാര്‍ട്ണര്‍, ട്രസ്റ്റി, സ്ഥാപകന്‍, കര്‍ത്ത, ചീഫ് എക്സിക്യൂട്ടീവ്, മറ്റു ഭാരവാഹികള്‍ എന്നിവരെല്ലാം പാന്‍ എടുക്കണം. ഡിസംബര്‍ അഞ്ചിനു പ്രാബല്യത്തില്‍ വരുന്ന പുതിയ ചട്ടങ്ങളിലാണ് ഇത്. പ്രത്യക്ഷ നികുതിക്കായുള്ള കേന്ദ്ര ബോര്‍ഡ് (സിബിഡിടി) ഇതിനുള്ള വിജ്ഞാപനം പുറപ്പെടുവിച്ചു.
ഇതുവഴി എല്ലാവരും നികുതി അടയ്ക്കുന്നുണ്ടെന്ന് ഇന്‍കം ടാകിസിന് ഉറപ്പുവരുത്താനാകും. നികുതിവെട്ടിപ്പ് തടയുകയും ചെയ്യാം.
വ്യക്തികള്‍ പാന്‍ എടുക്കുന്പോള്‍ പിതാവിന്‍റെ പേര് ചേര്‍ക്കുന്നത് ഐച്ഛികമാക്കി സിബിഡിടി സര്‍ക്കുലര്‍ ഇറക്കി. ഇതുവരെ ഇതു നിര്‍ബന്ധമായിരുന്നു.
Post your comments