മുംബൈ : പഞ്ചാബ് നാഷണല് ബാങ്കില്നിന്ന് വ്യാജരേഖ ചമച്ച് 13,000 കോടി രൂപ തട്ടിയെടുത്ത് വിദേശത്തേക്കു മുങ്ങിയ വിവാദ വജ്രവ്യാപാരി നീരവ് മോദിയുടെ 170 കോടി രൂപ വിലവരുന്ന സ്വത്തുക്കള് എന്ഫോഴ്സ്മെന്റ് ഡയറക്ടറേറ്റ് (ഇഡി) കണ്ടുകെട്ടി. നീരവ് മോദിയുടെ ജംഗമവസ്തുക്കള്, ബാങ്ക് നിക്ഷേപങ്ങള്, ഓഹരികള് എന്നിവയാണു കണ്ടുകെട്ടിയത്.
നീരവ് മോദിയുടെയും ബന്ധു മെഹുല് ചോക്സിയുടെയും ഉടമസ്ഥതയിലുള്ള ഗീതാഞ്ജലി ഗ്രൂപ്പില്നിന്ന് 85 കോടി രൂപ വിലവരുന്ന വജ്രാഭരണങ്ങള് കഴിഞ്ഞയാഴ്ച കണ്ടുകെട്ടിയിരുന്നു.
മോദിയുടെ പിതാവ്, സഹോദരന്, സഹോദരീ ഭര്ത്താവ്, അമേരിക്കയിലുള്ള ബിസിനസ് പാര്ട്ണര് മെഹിര് ബന്സാലി എന്നിവരെ അടുത്തിടെ എന്ഫോഴ്സ്മെന്റ് ഡയറക്ടറേറ്റ് വിളിച്ചുവരുത്തി ചോദ്യം ചെയ്തിരുന്നു. സിബിഐയും മറ്റ് അന്വേഷണ ഏജന്സികളും കേസ് അന്വേഷിക്കുന്നുണ്ട്.
Post your comments