ന്യൂഡൽഹി: കാത്തിരിപ്പിനു വിരാമമായി. നെസ്ലെ വീണ്ടും മാഗി നൂഡിൽസ് വിപണിയിലെത്തിച്ചി രി ക്കുകയാണ് . അഞ്ചു മാസത്തോളം നീണ്ടു നിന്ന നിരോധനത്തിനൊടുവിലാണ് മാഗി വീണ്ടുമെത്തിയിരിക്കുന്നത്.
പ്രമുഖ ഓണ്ലൈൻ വ്യാപാര സ്ഥാപനമായ സ്നാപ്ഡീലിന്റെ പിന്തുണയോടെയാണ് മാഗി ഓണ്ലൈൻ വിൽപ്പന നടത്തുക.
കർണ്ണാടക, പഞ്ചാബ്, ഗോവ എന്നീവിടങ്ങളിലാണ് രാജ്യത്ത് മാഗി വില്പന പുനരാരംഭിച്ചിട്ടുള്ളത്. അതേ സമയം നിരോധനമുള്ള എട്ടു സംസ്ഥാനങ്ങളിൽ വില്പനയുണ്ടാകില്ലെന്നു കമ്പനി അധികൃതർ അറിയിച്ചു. ആ സംസ്ഥാനങ്ങളിൽ നിരോധനം നീക്കാനുള്ള നടപടികൾക്ക് കമ്പനി തുടക്കം കുറിക്കും.
70 ഗ്രാമിന്റെ 12 പായ്കറ്റുകൾക്ക് 144 രൂപയാണ് വില. എല്ലാ ഉത്പന്നങ്ങളും അംഗീകൃത ലാബുകളിലെ പരിശോധനയിൽ നിലവാരം ഉറപ്പുവരുത്തിയിട്ടുണ്ടെന്നു കമ്പനി അധികൃതർ വ്യക്തമാക്കി .
രാജ്യത്തെ മൂന്നു ലബോറട്ടറികളിൽ പരിശോധന നടത്തി സുരക്ഷിതമാണെന്നു തെളിയിച്ചാൽ വീണ്ടും വിപണിയിലിറക്കാമെന്നു ബോംബൈ ഹൈക്കോടതി നേരത്തെ വ്യക്തമാക്കിയിരുന്നു .ഇത് പ്രകാരം നടത്തിയ പരിശോധനയിലാണ് മാഗിക്ക് അനുകൂലമായ വിധി ലഭിച്ചതും വീണ്ടും ഉല്പാദനം ആരംഭിച്ചതും.എന്നാൽ കഴിഞ്ഞ വർഷവുമായി താരതമ്യം ചെയ്യുമ്പോൾ നെസ്ലെയുടെ ലാഭത്തിൽ 45 ശതമാനം കുറവു വന്നിട്ടുണ്ട് .
Post your comments