ജി.കെ.മായ
ജനറല് മാനേജര്, കേരള സര്ക്കിള്
സ്ത്രീ ശാക്തീകരണമെന്നുള്ളത് വാക്കുകളില് മാത്രം ഒതുങ്ങേണ്ടതല്ല. ശരിയായ ശാക്തീകരണം എന്നത് സ്ത്രീകളെ പരാധീനതകളില് നിന്ന് പിടിച്ചുയര്ത്തുക എന്നതുകൂടിയാണ്. നിശ്ചയിക്കപ്പെട്ട ഒരു ദിനത്തില് അവളെ ആദരിച്ചതുകൊണ്ടോ പ്രസംഗിച്ചതുകൊണ്ടോ സ്ത്രീ ശാക്തീകരണം പൂര്ത്തിയാകില്ല. അതിന് പിന്തുണയും നല്കേണ്ടതുണ്ട്.
സ്ത്രീകള്ക്ക് മികച്ച പിന്തുണ നല്കിമുന്നേറുന്ന ഒരു വനിതാ വ്യക്തിത്വത്തെക്കുറിച്ചാണ് പറഞ്ഞുവരുന്നത്. കാനറാ ബാങ്കിന്റെ കേരള സര്ക്കിള് ജനറല് മാനേജര് ജി കെ മായ. കനറാ ബാങ്കിന്റെ കേരള സര്ക്കിള് മേധാവിയായി എത്തുന്ന ആദ്യ വനിത കൂടിയായ മായ ബിസിനസ്സ് പ്ലസിന് നല്കിയ അഭിമുഖത്തില് നിന്നും.
ബിസിനസ്സ് സംബന്ധമായ ആവശ്യങ്ങള്ക്കായി വനിതാ സംരംഭകര്ക്ക് കാനറാ ബാങ്ക് നല്കുന്ന ഒരു പ്രത്യേക പദ്ധതിയാണ് കാനറ വിജേത. ബിസിനസ്സിനാവശ്യമായ ഉപകരണങ്ങള്, വാഹനങ്ങള്, മൈക്രോ, ചെറുകിട ഉദ്യോഗം ചില്ലറ വ്യാപാരികള് ഉള്പ്പെടെയുള്ള സാധനങ്ങള് ഇവ വാങ്ങുന്നതിനാവശ്യമായ ഫണ്ട് കാനറാ ബാങ്ക് അനുവദിച്ചുവരുന്നു. കാലാവധി വായ്പ അല്ലെങ്കില് പ്രവര്ത്തന മൂലധനം വഴിയാണ് വായ്പ അനുവദിക്കുന്നത്.
കുറഞ്ഞ വായ്പ തുക 10 ലക്ഷം രൂപയാണ്. പരമാവധി 2 കോടി രൂപയും. പദ്ധതിയുടെ തുകയില് 20% മാര്ജിന് ആയി സംരംഭകര് കൊണ്ട് വരേണ്ടതാണ്. 84 മാസമാണ് ലോണിന്റെ കാലാവധി.
കാനറ ബാങ്ക് മുഖേനയുള്ള ചെറുകിട വായ്പ പദ്ധതികളെന്തെല്ലാമാണ്?
മുദ്രാലോണുകള്
രാജ്യത്തെ ചെറുകിട വാണിജ്യ വ്യവസായ സംരംഭങ്ങള്ക്ക് പുതിയ പ്രതീക്ഷ നല്കുന്നതാണ് പ്രധാനമന്ത്രിയുടെ മുദ്രയോജന. മുദ്ര (മൈക്രോ യൂണിറ്റ്സ് ഡവലപ്പ്മെന്റ് ആന്ഡ് റീഫൈനാന്സ് ഏജന്സി ലിമിറ്റഡ്) സംരംഭവികസനത്തിന് പുതിയ മുദ്രാവാക്യമാകുകയാണ്. സാമ്പത്തിക വികസനം ലഘുസംരംഭങ്ങളിലൂടെ എന്നതാണ് ഇതിന്റെ മുദ്രാവാക്യം. മുദ്രാ പദ്ധതി പ്രകാരം എങ്ങനെ വായ്പ നേടാമെന്നതിനെ സംബന്ധിച്ച് പല ലഘു സംരംഭകര്ക്കും സംശയം നിലനില്ക്കുന്നുണ്ട്.
10 ലക്ഷം രൂപ വരെ വായ്പ
ശിശു, കിഷോര്, തരുണ് എന്നീ മൂന്ന് ഹിന്ദി വാക്കുകള് സൂചിപ്പിക്കുന്ന തരത്തിലുള്ള വായ്പാ വിതരണ സംവിധാനമാണ് മുദ്രാ ബാങ്കില് ഉള്പ്പെടുന്നത്. ഫണ്ടിന്റെ ആവശ്യകത അനുസരിച്ച് അപേക്ഷകര്ക്ക് ഈ പദ്ധതി പ്രയോജനപ്പെടുത്താം. അവയുടെ ഫണ്ടിങ് രീതി താഴെ പറയും പ്രകാരമാണ്.
ശിശു, 50,000 രൂപ വരെയുള്ള വായ്പകള്
കിഷോര് 50,000 മുതല് 5 ലക്ഷം രൂപ വരെയുള്ള വായ്പകള്
തരുണ് 5 ലക്ഷം രൂപ മുതല് 10 ലക്ഷം വരെയുള്ള വായ്പകള്
സ്ഥിരമായ തൊഴിലും, വരുമാനവും ഉറപ്പുവരുത്തുന്ന കൈത്തൊഴിലുകള്, സേവന സ്ഥാപനങ്ങള് എന്നിവ മാത്രമല്ല വലിയ സാമ്പത്തിക വളര്ച്ച നേടിത്തരുന്ന സൂക്ഷ്മ സംരംഭങ്ങളുടെ വികസനവും മുദ്രയിലൂടെ സാധ്യമാകുന്നു. ഏറെ വീട്ടമ്മമാര് പണിയെടുക്കുന്ന ഗാര്മെന്റ്/ടെക്സ്റ്റയില് മേഖലയ്ക്ക് പ്രാധാന്യം നല്കിയിട്ടുണ്ട്.
വളരെ ലളിതമായ ഫോറവും അനുബന്ധ രേഖകളുമാണ് മുദ്ര വായ്പയ്ക്കായി അപേക്ഷിക്കുവാന് വേണ്ടത്. നിശ്ചിത ഫോറത്തിലുള്ള അപേക്ഷകള് ഉപയോഗിക്കണം. ബാങ്കിന്റെ എംബ്ലത്തോടുകൂടി ബാങ്കിന്റെ ശാഖകളില് നിന്നുതന്നെ ഫോം ലഭിക്കും.
കേരളത്തിലെ കനറ ബാങ്ക് ഈ വര്ഷത്തെ മുദ്ര ലോണായി 680 കോടി രൂപ വിതരണം ചെയ്യേണ്ടതുണ്ട്. 2018 ഫെബ്രുവരി 23 ന് 560 കോടി രൂപ വിതരണം ചെയ്തു കഴിഞ്ഞു. 2018 മാര്ച്ച് 31ന് മുമ്പ് ലക്ഷ്യത്തിലെത്താന് ഞങ്ങള്ശ്രമിക്കുന്നു.
10 ലക്ഷം മുതല് കഫ്റ്റീരിയ, റെസ്റ്റോറന്റുകള്, മൊബൈല് കാന്റീനുകള്, ധാബകള്, ഫാസ്റ്റ് ഫുഡ് സെന്ററുകള് മുതലായവയ്ക്ക് വായ്പ അനുവദിക്കുന്നതിന് മുദ്രയുടെ കീഴിലുള്ള 'മുദ്രാ കനറാ ആറ്റിതി'എന്ന പേരില് മുദ്രയ്ക്ക് കീഴില് ഒരു പ്രത്യേക സ്കീം ഞങ്ങള് ആരംഭിച്ചിട്ടുണ്ട്. വായ്പയുടെ മാര്ജിന് 15% ഉം, പ്രവര്ത്തന മൂലധന/ഷോര്ട്ട് ടേം വായ്പയ്ക്ക് 10% ഉം ആണ്.
കാര്ഷിക സ്വര്ണ്ണ വായ്പ സിബിലിനെ ബാധിക്കുമോ? CIBIL റേറ്റിംഗുകള് എങ്ങനെ മെച്ചപ്പെടുത്താം?
ശരിയാണ്, കുടിശ്ശിക വരുത്തുന്നപക്ഷം കാര്ഷിക സ്വര്ണ്ണ വായ്പകള് സിഐബിഐഎല്നെ ബാധിക്കും.
സിബില് സ്കോര് എങ്ങനെ മെച്ചപ്പെടുത്താം ?
ഒരു മോശം ഇകആകഘസ്കോര് നിങ്ങളുടെ സാമ്പത്തിക പ്രശ്നങ്ങള് വര്ദ്ധിപ്പിക്കുന്നു. ക്രെഡിറ്റ് കാര്ഡ് ലോണ് ഇവ ലഭിക്കുന്നതിന് തടസ്സമാകുകയും ചെയ്യുന്നു. ക്രെഡിറ്റ് സ്കോര് ലഭ്യമാക്കുന്ന നാല് അംഗീകൃത ക്രെഡിറ്റ് ബ്യൂറോകളില് ഒന്നാണ് സിബില്. ഇക്വിഫാക്സ്, എക്സ്പെരിയന്, സി.ആര്.ഐ.എഫ് ഹൈ മാര്ക് എന്നിവയാണ് മറ്റുള്ളവ. സിബിഐഎല് സ്കോറിന്റെ സ്കോറിംഗ് പാറ്റേണ് 300 മുതല് 900 വരെ പോയിന്റാണ്. 300 റേറ്റിംഗ് കുറഞ്ഞതും 900 ഉയര്ന്ന പോയിന്റുമാണ്.
രാജ്യത്തെ പൊതുമേഖലാ, സ്വകാര്യ മേഖലാ ബാങ്കുകളടക്കം വായ്പ നല്കുന്ന സ്ഥാപനങ്ങള് അംഗങ്ങളായിട്ടുള്ള സ്ഥാപനമാണു സിബില് അഥവാ ക്രെഡിറ്റ് ഇന്ഫര്മേഷന് ബ്യൂറോ ഇന്ത്യ) ലിമിറ്റഡ്. സിബില് ട്രാന്സ് യൂണിയന് സ്കോറും ക്രെഡിറ്റ് ഇന്ഫര്മേഷന് റിപ്പോര്ട്ടുമാണു സിബില് തയാറാക്കുന്നത്. ഈ റിപ്പോര്ട്ടിന്റെ അടിസ്ഥാനത്തിലാണ് അപേക്ഷകനു വായ്പ നല്കണോ എന്നു ധനകാര്യ സ്ഥാപനങ്ങള് നിശ്ചയിക്കുന്നത്.
വായ്പാ അപേക്ഷകന്റെ സാമ്പത്തിക സ്ഥിതിയെക്കുറിച്ചുള്ള എല്ലാ വിവരങ്ങളുടേയും അടിസ്ഥാനത്തില് സിബില് ക്രെഡിറ്റ് സ്കോര് തയാറാക്കും. 300 നും 900നും ഇടയിലാണ് ഇതിന്റെ പരിധി. ക്രെഡിറ്റ് സ്കോര് 700 മുകളിലുള്ളവര്ക്കാണു സാധാരണ വായ്പ അനുവദിക്കുന്നത്. 750 ആയാല് ഏറെ നല്ലത്.
ക്രെഡിറ്റ് എങ്ങനെയാണ് വായ്പക്കാരന് ഉപയോഗിക്കുന്നത്. ഇദ്ദേഹത്തിന് മുന് കുടിശികകള് വല്ലതുമുണ്ടോ? വായ്പ തിരിച്ചടവിനു പിഴവുകള് വരുത്തിയിട്ടുണ്ടോ? ലോണിന് എവിടെയൊക്കെ അപേക്ഷ നല്കിയിട്ടുണ്ട്? തുടങ്ങിയവ അടക്കമുള്ള വിവരങ്ങളാണു ക്രെഡിറ്റ് സ്കോര് തയാറാക്കുന്നതിനു സിബില് ഉപയോഗിക്കുന്നത്.
കുടിശിക വരുത്താതെ കൃത്യമായി ലോണുകള് അടയ്ക്കുക.ലോണ് കുടിശിക വരുത്തി സെറ്റില്മെന്റിനു പോകാമെന്നു കരുതരുത്. അത് ക്രെഡിറ്റ് സ്കോര് കുറയ്ക്കും. ക്രെഡിറ്റ് കാര്ഡില് പണമടയ്ക്കാതിരുന്നാല് മിനിമം ഡ്യൂ അടയ്ക്കാന് മറക്കരുത്. ലോണുമായോ ക്രെഡിറ്റ് കാര്ഡുമായോ ബന്ധപ്പെട്ട ചെക്കുകള് ഒരിക്കലും ബൗണ്സ് ചെയ്യാന് അനുവദിക്കരുത്.
ക്രെഡിറ്റ് കാര്ഡിന്റെ പരിധി ഫുള് യൂണിറ്റ് ഉപയോഗിക്കാതിരിക്കുന്നതാണ് നല്ലത്.
പല ബാങ്കുകളിലായി ചെറിയ കാലയളവിനുള്ളില് ലോണ് ക്രെഡിറ്റു കാര്ഡുമായി തുടരെ തുടരെ അപേക്ഷിക്കുന്നത് സിബില് സ്കോര് കുറയാന് ഇടയാക്കും. നാലുതൊട്ട് 12 മാസം വരെ എടുക്കാം ക്രെഡിറ്റ് സ്കോര് കൂടാന് എന്ന കാര്യം മനസ്സിലാക്കേണ്ടതുണ്ട്
കേരളത്തിലെ എസ്എല്ബിസി പ്രവര്ത്തനങ്ങള്.
കേരള സ്റ്റേറ്റ് ലെവല് ബാങ്കേഴ്സ് കമ്മിറ്റി കണ്വീനര് കാനറ ബാങ്ക് ആണ്. സംസ്ഥാനത്ത് പ്രവര്ത്തിക്കുന്ന എല്ലാ ഷെഡ്യൂള് ബാങ്കുകളും എസ്എല്ബിസിയില് ഉള്പ്പെടുന്നു, ഡെവലപ്പ്മെന്റ് പ്രവര്ത്തനങ്ങള്, ഇന്ഷുറന്സ് കമ്പനികള്, കയര് ബോര്ഡ്, എന്എച്ച്ബി തുടങ്ങിയ കേന്ദ്രഗവണ്മെന്റ് ഡവലപ്മെന്റ് ഏജന്സികള് ഏര്പ്പെട്ടിരിക്കുന്ന സര്ക്കാര് വകുപ്പുകള്. ആര്ബിഐ, നബാര്ഡ് എന്നിവയും എസ്എല്ബിസി അംഗങ്ങളാണ്. ഡിഎഫ്എസ് ഒരു നോഡല് ഓഫീസറാണ് പ്രതിനിധീകരിക്കുന്നത്.
എസ്.എല്.ബി.സി.യുടെ പ്രവര്ത്തനം താഴെപ്പറയുന്ന കാര്യങ്ങളിലാണ്.
സംസ്ഥാനത്തെ ബാങ്കിങ് സ്റ്റാറ്റിസ്റ്റിക്സ് ശേഖരണം, സമാഹരണം, പ്രസിദ്ധീകരണം
മുന്ഗണനാ മേഖലയില് ബാങ്കിങ് മേഖലയുടെ പ്രകടനം നിരീക്ഷിക്കുകയും അവലോകനം ചെയ്യുക
എസ്.എല്.ബി.സി. കമ്മിറ്റികളുടെയും മീറ്റിങ്ങുകളുടെയും നടത്തിപ്പ്
ധനകാര്യ ഉള്പ്പെടുത്തലിനും മറ്റ് കേന്ദ്ര ഗവണ്മെന്റുകള്ക്കുമുള്ള സംസ്ഥാന നോഡല് ഏജന്സി
പ്രത്യേക ദൗത്യങ്ങളും കാമ്പെയിനുകളും വഹിക്കുക
ഗവണ്മെന്റ് വകുപ്പുകളും മറ്റ് വികസന ഏജന്സികളുമായുള്ള ബന്ധം
പരാതി പരിഹാര നോഡല് ഏജന്സി
ജില്ലകളില് ലീഡ് ബാങ്ക് പ്രവര്ത്തനങ്ങളുടെ മേല്നോട്ടം
വ്യാപാരികള്ക്കുള്ള് പ്രത്യേക വായ്പാ പദ്ധതികള് എന്തെല്ലാമാണ്?
വ്യാപാരികള്ക്ക് ധനസഹായം നല്കുന്ന ചില പ്രധാന പദ്ധതികള്;
Canara Trade
10 ലക്ഷം രൂപ വരെയുള്ള ലോണുകള്ക്ക് അതിനു തുല്യമായ തുകയ്ക്കുള്ള വസ്തുവകകള് ഈടു വയ്ക്കേണ്ടതാണ്. 10 ലക്ഷത്തിന് മുകളിലുള്ള ലോണുകള്ക്ക് ലോണിന്റെ 133% തുല്യമായ വസ്തുവകകള് ഈടായി നല്കേണ്ടതാണ്. നിശ്ചിത കാലയളവിലേക്ക് എടുത്തിരിക്കുന്ന വായ്പകളുടെ പരമാവധി കാലാവധി 84 മാസമാണ്.
MSME CAP
മെട്രോ, അര്ബന്, സെമിമേഖലാ മേഖലകളിലുളള വസ്തുവിനെതിരായി നല്കുന്ന വായ്പയാണിത്. 10 ലക്ഷം മുതല് അഞ്ച് കോടി രൂപ വരെയാണ് ഇതിന് അനുവദിക്കുക. 20% മാര്ജിന് ഈ പദ്ധതിയുടെ കീഴില് നിര്വചിക്കപ്പെട്ടിട്ടുണ്ട്. പദ്ധതിയുടെ 80% ബാങ്ക് വായ്പയായി ഫണ്ട് അനുവദിക്കുന്നതിന് അര്ഹമാണ്. അവധി ഉള്പ്പെടെ, 5 മുതല് 10 വര്ഷത്തിനുള്ളില് തിരിച്ചടയ്ക്കേണ്ടതാണ്. ഒരു വര്ഷത്തേക്ക് കാലാവധിക്കനുസരിച്ച് തൊഴിലാളി മൂലധനം അനുവദിക്കും.
സ്റ്റാന്റപ് ഇന്ത്യ സ്കീം
2016 ഏപ്രില് 5ന് പധാനമന്ത്രി ഇന്ത്യയുടെ സ്റ്റാന്റപ് ഇന്ത്യ സ്കീം ആരംഭിച്ചു. പട്ടിക ജാതി പട്ടിക വര്ഗ വിഭാഗത്തിന്റെ വകസനം ലക്ഷ്യമിട്ടുള്ളതാണ് ഈ പദ്ധതി.10 ലക്ഷം മുതല് ഒരു കോടി രൂപ വരെയാണ് ഇതിനായി അനുവദിച്ചിരിക്കുന്ന വായ്പാ തുക. സംരംഭകന് സംരംഭത്തിന്റെ 25 ശതമാനം സ്വന്തമായി കണ്ടെത്തണം ബാക്കി 75 ശതമാനം ലോണായി ബാങ്ക് നല്കുന്നതാണ്. സ്റ്റാന്ഡ് അപ് ഇന്ത്യ സ്കീം പ്രകാരം അനുവദിച്ച വായ്പകള് സ്റ്റാന്ഡഡ് ഇന്ത്യയ്ക്കായുള്ള ക്രെഡിറ്റ് ഗ്യാരന്റി സ്കീം (CGSSI) ന്റെ കീഴില് വരുന്നതും വായ്പ്പയ്ക്ക് ഏതെങ്കിലും വിധത്തിലുള്ള സുരക്ഷ നല്കേണ്ടതില്ല.
ബാങ്കിന്റെ സാമൂഹ്യ ക്ഷേമ പ്രവര്ത്തനങ്ങള്
സാമൂഹ്യ സേവന രംഗത്ത് പ്രവര്ത്തിക്കുന്ന സ്ഥാപനങ്ങളുടെ സേവനങ്ങളെ കാനറാ ബാങ്ക് ശുഭപ്രതീക്ഷയോടെയാണ് നോക്കിക്കാണുന്നത്. ഇവരുമായി ചേര്ന്ന് സമൂഹത്തിന് വേണ്ട ഉന്നമനങ്ങള്ക്കായുള്ള സഹായം ബാങ്ക് ചെയ്ത് കൊടുക്കുന്നുണ്ട്. പാവപ്പെട്ടആളുകളുടെ വികസനം ലക്ഷ്യമാക്കി സ്വയം തൊഴില് മേഖലയിലും ഐ.ടി പരിശീലന പരിപാടികളിലും കനറാബാങ്ക് മുന്കയ്യെടുക്കുന്നു.
കാനറാ ബാങ്ക് ജൂബിലി വിദ്യഭ്യാസ നിധി
1956ല് കാനറാ ബാങ്ക് തുടങ്ങിവച്ച സംരംഭമാണ് വിദ്യാഭ്യാസ നിധി. ഇത് വഴി സമൂഹത്തിലെ നിര്ദ്ദരരായ കുട്ടികള്ക്ക് വിദ്യാഭ്യാസത്തിന് വേണ്ട സഹായങ്ങള് നല്കി വരുന്നു. വായനക്കായി ഉപയോഗിക്കാന് പതിനായിരത്തില്പരം വരുന്ന പുസ്തകങ്ങളുടെ ശ്രേണിയും ഒരുക്കിയിട്ടുണ്ട്. പഠനത്തില് മികച്ച വിദ്യാര്ത്ഥികള്ക്ക് സ്കോളര്ഷിപ്പുകളും നല്കിവരുന്നു. ഒരു ഡിജിറ്റല് ലൈബ്രറി തുറക്കാനും സാധിച്ചിട്ടുണ്ട്. വിനോദയാത്ര സംഘടിപ്പിക്കാനും കുട്ടികള്ക്ക് അതുവഴി പഠനം നടത്തുവാനും ബാങ്ക് സഹായിക്കുന്നുണ്ട്.
കാനറാ ബാങ്ക് റിലീഫ് & വെല്ഫയര് സൊസൈറ്റി
1961 മുതല് ബാങ്ക് ഈ സൊസൈറ്റിയുടെ പ്രവര്ത്തനത്തെ സഹായിക്കുന്നു. 200 കിടക്കകള് ഉള്ള ആശുപത്രി ഇവിടെ പ്രവര്ത്തിക്കുന്നുണ്ട്. ജനങ്ങള്ക്ക് തുച്ഛമായ തുകക്ക് ആരോഗ്യ ചികിത്സ നല്കാന് ഇവിടെ സജ്ജമാണ്. അനാഥരായ കുട്ടികള്ക്കും, പ്രായമായ വൃദ്ധജനങ്ങള്ക്കും അഭയകേന്ദ്രം കൂടിയാണ് ഈ സൊസൈറ്റി.
Socitey for Educational and Economic Development (SEED)
കാനറാ ബാങ്കിന്റെ ശതാബ്ദി റൂറല് ഡെവലപ്പ്മെന്റ് ട്രസ്റ്റിന്റെ സഹായം സീഡിന് നല്കുകയുണ്ടായി. സീഡ് എന്നത് തമിഴ്നാട്ടിലുള്ള ശ്രീപെരുമ്പത്തൂര് എന്ന ഗ്രാമത്തിലെ ജീവപര്യന്തം ശിക്ഷ അനുഭവിക്കുന്ന മാതാപിതാക്കളുടെ കുട്ടികള്ക്ക് നല്കിവരുന്ന സംരക്ഷണമാണ്. അതേ പോലെ, അനാഥരും അവലംബരുമായ ആളുകള്ക്ക് താങ്ങായും ഇവര് പ്രവര്ത്തിക്കുന്നു. സീഡ് ഇതുവരെ 535 കുട്ടികള്ക്ക് ഇത്തരത്തിലുള്ള സഹായം നല്കിക്കഴിഞ്ഞു.
സോഷ്യല് ഡവലപ്മെന്റില് രാജ്യത്തിന്റെ വിവിധ ഭാഗങ്ങളില് പല സ്ഥാപനങ്ങള് വഹിക്കുന്നതില് സുപ്രധാന പങ്കാളിത്തമാണ് ബാങ്കിനുള്ളത്. സമൂഹത്തിലെ പൊതുവായ കാരണങ്ങളില് സഹകരണത്തോടെയുള്ള സമീപനം ബാങ്ക് വിപുലീകരിച്ചിരിക്കുന്നു.
വളര്ന്നുവരുന്ന ചജഅ നിരക്കുകള് ബാങ്കിംഗ് വ്യവസ്ഥയ്ക്ക് ഭീഷണിയാണ്, അത് നിങ്ങള് എങ്ങനെ കാണുന്നു?
നിഷ്ക്രിയ ആസ്തി വര്ദ്ധിക്കുന്നത് താല്ക്കാലിക പ്രതിഭാസമാണ്. നേരത്തെ ബാങ്ക് ഫിനാന്സിന്റെ മുഖ്യഭാഗം ചെറുകിട ഇടത്തരം വ്യവസായ യൂണിറ്റുകളിലേക്ക് വ്യാപിപ്പിച്ചു. ബാങ്കുകളുടെ വലിയ വായ്പാ അക്കൗണ്ടുകള് എണ്ണത്തില് പരിമിതമായിരുന്നു. വ്യവസായ വളര്ച്ച കാരണം, വന്കിട വ്യവസായങ്ങളുടെ സാമ്പത്തിക ആവശ്യകത ഗണ്യമായി വര്ധിച്ചു. വ്യവസായ വളര്ച്ച ഇപ്പോള് മെച്ചപ്പെടുന്നതിനാല്, അത്തരം അക്കൗണ്ടുകളുടെ സാധ്യത കുറഞ്ഞു വരുന്നു. മാത്രമല്ല, അത്തരം വലിയ അക്കൗണ്ടുകളുടെ വീണ്ടെടുപ്പുകളും ഉയര്ച്ചയും സാധ്യതയും വളരെ വ്യക്തമാണ്.
ശരിയായ വായ്പാ വിലയിരുത്തല്, ക്രെഡിറ്റ് സൗകര്യങ്ങളുടെ സമയോചിതമായി പുറത്തിറക്കല്, നിരന്തരമായ നിരീക്ഷണം, നിരന്തരം യൂണിറ്റ് സന്ദര്ശനങ്ങള്, വായ്പക്കാര്ക്ക് സ്ഥിരമായി സമ്പര്ക്കം പുലര്ത്തല് എന്നിവ ബാങ്കുകള്ക്ക് കാലക്രമേണ പരിഹാര നടപടികളിലൂടെ കുറവുള്ള സാധ്യതകളെ കുറയ്ക്കാന് സഹായിക്കും. ക്രെഡിറ്റ് ഓഫീസിലുണ്ടായ കുറവ്, വ്യാവസായിക മാന്ദ്യവും കുറഞ്ഞു.
എന്.പി.എ കുടിശികകള് വീണ്ടെടുക്കുന്നതിന് ബാങ്കുകള്ക്ക് അനുയോജ്യമായ നടപടികള് കൈക്കൊണ്ടിട്ടുണ്ട്. ബാങ്കുകള് അവരുടെ ലാഭക്ഷമതയും നിലനില്പ്പിനെപ്പറ്റിയും എന്പിഎയുടെ സ്വാധീനത്തെക്കുറിച്ച് വളരെ ബോധവാന്മാരാണ്.
എ.ടി.എം. തട്ടിപ്പുകള് എങ്ങനെ തടയാം.
ഉപഭോക്താവിനെ വ്യക്തിപരമായി ബന്ധപ്പെടാന് സാധിക്കുന്ന എല്ലാ വിവരങ്ങളും ബാങ്കുമായി എപ്പോഴും പുതുക്കി വയ്ക്കുക. ഇതുവഴി നമ്മുടെ ബാങ്ക് അക്കൗണ്ടില് നടക്കുന്ന എല്ലാ ഇടപാടുകളും നമുക്ക് ഉടന് അറിയാന് സാധിക്കും. എന്തെങ്കിലും സംശയകരമായ ഇടപാടുകള് ശ്രദ്ധയില്പെട്ടാല് ഉടന് തന്നെ ബാങ്കിനെ സമീപിക്കാന് വിമുഖത കാട്ടരുത്.
എ.ടി.എം. ഉപയോഗത്തിന് ഇടയില് എന്തെങ്കിലും സംശയാസ്പദമായി ശ്രദ്ധയില്പെട്ടാല് ആ എ.ടി.എം. കൗണ്ടര് ഉപയോഗിക്കരുത്.
എ.ടി.എം. മെഷീനുള്ളില് നമ്മുടെ എ.ടി.എം കാര്ഡ് കുടുങ്ങി പോവുകയാണെങ്കില് ഉടന് തന്നെ ബാങ്കിനെ വിളിച്ച് ആ എ.ടി.എം. കാര്ഡ് ബ്ലോക്ക് ആവശ്യപ്പെടണം.
വെളിച്ചകുറവുള്ളതും ഏകാന്തമായി വിജനമായ പ്രദേശങ്ങളിലുള്ള എ.ടി.എം. കൗണ്ടറുകള് രാത്രികാലങ്ങളില് ഉപയോഗിക്കുന്നത് കഴിവതും ഒഴിവാക്കുക.
താങ്കളുടെ എ.ടി.എം. കാര്ഡ് ഉപയോഗിക്കാന് മറ്റൊരാളെ ആശ്രയിക്കാതെയിരിക്കുക. പാസ്വേര്ഡും ബാലന്സും മറ്റൊരു അപരിചിതന്റെ കൈകളില് എത്താതെ സൂക്ഷിക്കുക.
എ.ടി.എം. കൗണ്ടറിലെ ഇടപാടുകള് പൂര്ണ്ണമായും അവസാനിച്ചു എന്ന് ഉറപ്പാക്കി എ.ടി.എം. കാര്ഡ് തിരികെ എടുത്തു എന്ന് ഉറപ്പാക്കിയ ശേഷമേ കൗണ്ടര് വിടാന് പാടുള്ളു.
നിങ്ങളുടെ അക്കൗണ്ടില് ശേഷിക്കുന്ന ബാലന്സ് തുകയുടെ ഒരു ഏകദേശ ബോധ്യം എപ്പോഴും കസ്റ്റമറിന് ഉണ്ടായിരിക്കുന്നത് നല്ലതാണ്. നമ്മുടെ അറിവോടെ അല്ലാതെ ബാലന്സ് തുക താഴ്ന്നാല് നമുക്ക് വേഗം മനസ്സിലാക്കാന് ഇത് സഹായിക്കും.
എ.ടി.എം. കാര്ഡിന്റെ പിന് നമ്പര് എപ്പോഴും നമ്മുടെ ഓര്മ്മയില് മാത്രം സൂക്ഷിക്കുന്നതാണ് നല്ലത്. കാര്ഡിന്റെ കവറിറോ മറ്റ് ഇടങ്ങളിലോ എഴുതി വയ്ക്കുന്നത് എ.ടി.എം. സുരക്ഷക്ക് ഭീഷണിയാണ്. പിന് നമ്പര് മറന്നു പോയാല് ബാങ്കുമായി ബന്ധപ്പെടുക.
വായ്പ വളര്ച്ചയില് 2018ല് കാനറാ ബാങ്ക് നമ്പര് 1
Total Business Rs. 57002 Crores
Aggregate deposit Rs. 30648 Cr.
Aggregate Advance Rs. 26354 Cr.
Post your comments