ന്യൂഡൽഹി : ആദായ നികുതി ദായകർക്ക് നികുതി വിവരങ്ങൾ ഇനി മുതൽ എസ്.എം.എസ്. ആയി ലഭിക്കും . ശമ്പളക്കാരായ ആദായനികുതി ദായകര്‍ക്ക് ആണ് എസ്.എം.എസ് ആയി നികുതി സേവനങ്ങൾ ലഭ്യമാകുക .
2.5 കോടി നികുതിദായകര്‍ക്ക് പുതിയ സംവിധാനം പ്രയോജനപ്പെടും .മൂന്ന് മാസം കൂടുമ്പോൾ നികുതി സംബന്ധമായ വിവരങ്ങൾ എസ് എം എസ് മുഖാന്തരം അറിയാൻ കഴിയും . മൂന്ന് മാസത്തിൽ ഒരിക്കൽ ലഭിക്കുന്ന എസ്.എം.എസ് സേവനങ്ങൾ അധികം വൈകാതെ തന്നെ എല്ലാ മാസവും ലഭ്യമാക്കി തുടങ്ങാൻ കേന്ദ്ര പ്രത്യക്ഷ നികുതി ബോര്‍ഡ് സൗകര്യമൊരുക്കും .
നികുതി അടയ്ക്കുന്നതിനെ കുറിച്ചും , എത്രത്തോളം നികുതി ഒരു വർഷം അടച്ചുഎന്നതിനെക്കുറിച്ചും , തുടങ്ങി നികുതി സംബന്ധിച്ച എല്ലാ വിവരങ്ങളും കൃത്യതയോടെ അറിയാൻ പുതിയ പദ്ധതി സഹായിക്കും . വിവരങ്ങൾ കൃത്യമായി അറിയാതെ വരുമ്പോഴുണ്ടാകുന്ന നികുതി പ്രശ്നങ്ങൾ ഇത്തരത്തിൽ ഒരു പരിധി വരെ ഒഴിവാക്കാം .
അനായാസം കാര്യങ്ങൾ അറിയാനും എസ്.എം.എസ്. പദ്ധതി സഹായിക്കും .നികുതി സംബന്ധിച്ച പരാതി നൽകുന്നതിന് ഓണ്‍ലൈന്‍ സൗകര്യം ഒരുക്കാനും എസ്.എം.എസ് സൗകര്യം ശമ്പള ഇതര വിഭാഗത്തിന് ലഭ്യമാക്കുവാനും അധികം വൈകാതെ തന്നെ നടപടി സ്വീകരിക്കും
Post your comments