ന്യൂഡൽഹി : ഐഫോണ്‍ ഉപഭോക്താക്കൾക്കായി റിലയന്‍സ് ജിയോ പുതിയ ഓഫർ അവതരിപ്പിക്കുന്നു. പുതിയ ഐഫോണ്‍ ഉപഭോക്താക്കള്‍ക്ക് സൗജന്യ വോയ്‌സ് കോള്‍, 20 ജിബി അണ്‍ലിമിറ്റഡ് ഡാറ്റ, ഒരു വര്‍ഷത്തേക്ക് അണ്‍ലിമിറ്റഡ് എസ്എംഎസ് എന്നിങ്ങനെ 18,000 രൂപയുടെ ഓഫറാണ് റിലയന്‍സ് ജിയോയില്‍ നിന്നു ലഭിക്കുക.
ജനുവരി ഒന്ന് മുതലാണ് പുതിയ ഐഫോണ്‍ ഉപഭോക്താക്കള്‍ക്ക് റിലയന്‍സ് ജിയോയില്‍ നിന്നുമുള്ള ഈ ഓഫര്‍ ലഭിച്ച് തുടങ്ങുക. ആപ്പിള്‍ സ്‌റ്റോറില്‍ നിന്നോ റിലയന്‍സ് റീട്ടെയിലര്‍മാരില്‍ നിന്നോ വാങ്ങുന്ന ഐഫോണുകൾക്കാണ് ജിയോ ഓഫർ ലഭിക്കുക .
ജനുവരി മുതല്‍ 1,499 രൂപയുടെ പ്ലാനും ഐഫോണ്‍ വാങ്ങുന്നവര്‍ക്ക് സൗജന്യമായി ലഭിക്കും. ഐഫോണ്‍ 7, ഐഫോണ്‍ 7 പ്ലസ് മോഡലുകള്‍ക്കൊപ്പം,ഐഫോണ്‍ 6 എസ് പ്ലസ്, ഐഫോണ്‍ 6, ഐഫോണ്‍ 6 പ്ലസ്, ഐഫോണ്‍ എസ് ഇ എന്നീ മോഡലുകള്‍ക്കും റിലയന്‍സ് ജിയോ ഓഫര്‍ ലഭിക്കും. കൂടാതെ താരിഫ് പ്ലാനുകളില്‍ 25 ശമതാനം ഇളവും ഐഫോണ്‍ ഉപഭോക്താക്കള്‍ക്ക് ലഭിക്കും.
Post your comments