ന്യൂഡൽഹി: സ്മാർട്ട്‌ ഫോൺ ലോകത്തേയ്ക്ക് ഇതാ ഒരു പുതിയ അതിഥി കൂടി. ലെനോവോയുടെ പുതിയ സ്മാർട്ട്‌ ഫോണായ സ്യൂക്ക് z1 സ്മാർട്ട്‌ ഫോണാണ് ആരധകരുടെ മനം കവരാൻ വരുന്നത്.വില തന്നെയാണ് ഈ സ്മാർട്ട്‌ ഫോണിന്റെ ഏറ്റവും വലിയ ആകർഷണം . 13,499 രൂപയാണ് സ്യൂക്ക് z1ന്റെ വിപണി വില. 2015 ൽ ആരംഭിച്ച ലെനോവോയുടെ തന്നെ ഘടകമായ സ്യൂക്ക് എന്ന ബ്രാൻഡിന്റെ കീഴിൽ വരുന്ന ആദ്യത്തെ സ്മാർട്ട്‌ ഫോണാണ് z1.
5.5 ഇഞ്ച്‌ ഫുൾ എച്ച്ഡി ഡിസ്പ്ലേയുള്ള ഫോണിൽ 3 ജിബി റാമാണ്ഉള്ളത്. സ്നാപ്ഡ്രാഗൺ 801 പ്രോസസ്സറാണ് ഇതിൽ ഉപയോഗിച്ചിരിക്കുന്നത് . 4,100 mAh ബാറ്ററിയുള്ള ഫോണിൽ 4ജി കണക്റ്റിവിറ്റിയും ഡ്യുവൽ സിം പിന്തുണയും ഉണ്ട് .64 ജിബി മെമ്മറി സ്റ്റോറേജാണ് സ്യൂക്ക് z1 നുള്ളത്. ഒപ്റ്റിക്കൽ ഇമേജ് സ്റ്റെബിലൈസേഷൻ പിന്തുണ നൽകുന്നതിനോടൊപ്പം സോണി സെൻസറുള്ള 13 എംപി ക്യാമറയാണ് ഈ സ്മാർട്ട്‌ ഫോൺ അവകാശപ്പെടുന്നത് .
സയനോജൻ അധിഷ്ഠിതമായ ഒഎസ് ആണ് ഈ സ്മാർട്ട്‌ ഫോണിൽ ഉപയോഗിച്ചിരുക്കുന്നത്. സ്യൂക്ക് ബ്രാൻഡിന് കീഴിയിൽ ഇനി വരുന്ന എല്ലാ സ്മാർട്ട്‌ ഫോണുകളിലും സയനോജൻ ഒഎസ് തന്നെയായിരിക്കും ഉപയോഗിക്കുക.സയനോജനുമായി ചേർന്നുള്ള കമ്പനിയുടെ കരാർ പ്രകാരമാണിത്.
Post your comments