'മോസ്റ്റ് പ്രോമിസിംഗ് ടെക്‌നോളജി സ്റ്റാർട്ടപ്പ്' അവാർഡ് സ്വന്തമാക്കി ക്വാട്ട് ടെക്‌നോളജീസ്

ബിസിനസ് രംഗത്തെ സ്റ്റാർട്ടപ്പുകളെ പ്രോത്സാഹിപ്പിക്കുന്ന 'മോസ്റ്റ് പ്രോമിസിംഗ് ടെക്‌നോളജി സ്റ്റാർട്ടപ്പ്' അവാർഡ് ക്വാട്ട് ടെക്‌നോളജീസിന്. ടൈംസ് ഗ്രൂപ്പ് ഡൽഹിയിൽ സംഘടിപ്പിച്ച Times Business Awards 2024ൽ ക്വാട്ട് ടെക്‌നോളജീസ് സ്ഥാപകരായ കിരൺ ജെയിംസ്, പ്രേംനാഥ് പറയത്ത് എന്നിവർ എന്നിവർ പ്രശസ്ത നടനും സംരംഭകരകനുമായ സുനിൽ ഷെട്ടിയിൽ നിന്ന് അവാർഡ് ഏറ്റുവാങ്ങി.

വളരെ സുസ്ഥിരതയോടെ നടപ്പിലാക്കിയ സൈനേജ് വ്യവസായത്തിനുള്ളിലെ ഓട്ടോമേഷനോടുള്ള കമ്പനിയുടെ മികച്ച സമീപനമാണ് ക്വാട്ട് ടെക്‌നോളജീസിനെ ഈ അഭിമാനകരമായ നേട്ടത്തിന് അർഹമാക്കിയത്. നൂതന ഉൽപ്പന്നമായ ക്വാട്ട് ടൈം സ്വിച്ചുകൾ, സൈനേജുകളും ഡിജിറ്റൽ ഔട്ട്-ഓഫ്-ഹോം (DOOH) പ്രകാശവും ഉൾക്കൊള്ളുന്ന ഒരു കുറഞ്ഞ വിപണി വിഭാഗത്തെ തന്ത്രപരമായി ലക്ഷ്യമിടുന്നുണ്ട്. ഊർജ്ജ ഉപഭോഗം തടയുന്നതിനും വ്യവസായ മേഖലയിൽ വളരെ വലിയൊരു മാറ്റത്തിന് ഉത്തേജനം നൽകുന്നതിനും ക്വാട്ട് ടെക്‌നോളജീസ് ഒരു പ്രധാന പങ്ക് വഹിക്കുന്നുണ്ട്. ആരംഭിച്ച് ഒരു വർഷത്തിനുള്ളിൽ, ക്വാട്ട് ടെക്‌നോളജീസ് സുസ്ഥിരതയോടുള്ള അവരുടെ പ്രതിബദ്ധതയ്ക്ക് അടിവരയിട്ട് ഉറപ്പിച്ചിരിക്കുകയാണ്. മാത്രമല്ല, നിർണായകമായ വ്യവസായ ആവശ്യങ്ങൾ തിരിച്ചറിയാനും അഭിസംബോധന ചെയ്യാനുമുള്ള കഴിവ് പ്രകടിപ്പിക്കുന്ന, മുന്നോട്ടുള്ള ചിന്താപരമായ സംരംഭങ്ങൾ പ്രകടമാക്കിക്കൊണ്ട് ആഴത്തിലുള്ള സ്വാധീനവും വ്യവസായ രംഗത്ത് Qwatt ചെലുത്തിയിട്ടുണ്ട്. മെച്ചപ്പെട്ട ഊർജ്ജ കാര്യക്ഷമതയും സാങ്കേതിക പുരോഗതിയും അടയാളപ്പെടുത്തുന്ന ഭാവിയ്ക്കായാണ് ഇവരുടെ പ്രവർത്തനം എന്ന് എടുത്ത് പറയേണ്ടിയിരിക്കുന്നു.

 

നിലവിലെ ഇത്തരം സ്വിച്ചുകളുടെ പരിമിതികൾ തിരച്ചറിഞ്ഞ് ഫലപ്രദമായി പരിഹരിക്കുകയും ചെയ്തതാണ് വളരെ കുറഞ്ഞ സമയം കൊണ്ട് ക്വാട്ട് ടെക്‌നോളജീസിനെ ആളുകൾ വേഗത്തിൽ സ്വീകരിക്കാൻ ഇടയാക്കിയതെന്ന് കമ്പനിയുടെ സഹ സ്ഥാപകനായ പ്രേംനാഥ് പറയത്ത് പറയുന്നു. ഇലക്ട്രോണിക്സ് വിപണിയിൽ ഞങ്ങളുടെ സാന്നിധ്യം വിപുലീകരിക്കുമ്പോൾ, നവീകരണം, വിശ്വാസ്യത, ഉപഭോക്തൃ സംതൃപ്തി എന്നിവയിലാണ് കൂടുതൽ ശ്രദ്ധ നൽകുന്നത്. എൽഇഡി ഡിസ്‌പ്ലേ ബോർഡുകൾ, എൽഇഡി മൊഡ്യൂളുകൾ, പവർ ഡ്രൈവുകൾ എന്നിവയുൾപ്പെടെയുള്ള ഭാവി ഓഫറുകൾ വ്യവസായ നിലവാരങ്ങളെ പുനർനിർവചിക്കും. അത്യാധുനിക സാങ്കേതികവിദ്യയും സുസ്ഥിരതയോടുള്ള പ്രതിബദ്ധതയും ഉപയോഗിച്ച് മെയ്ഡ് ഇൻ ഇന്ത്യ സൊല്യൂഷനുകൾ പ്രദർശിപ്പിക്കുമെന്ന് അദ്ദേഹം കൂട്ടിച്ചേർത്തു.

ഒരു വർഷത്തിനുള്ളിൽ, ക്വാട്ട് ടെക്‌നോളജീസ് 20-ലധികം കോർപ്പറേറ്റ് ക്ലയൻ്റുകളുമായി വിജയകരമായി കരാർ ഉറപ്പിച്ച് കഴിഞ്ഞിട്ടുണ്ട്. മാത്രമല്ല, 60-ലധികം വെണ്ടർമാരെ ഉൾപ്പെടുത്തി ശൃംഖല വിപുലീകരിച്ചു. കൂടാതെ രാജ്യത്തുടനീളം ഏഴ് അംഗീകൃത വിതരണക്കാരെ സ്ഥാപിച്ചു കൊണ്ട് ഭാവിയിലെ കമ്പനിയുടെ വിപുലീകരണത്തിന് ശക്തമായ അടിത്തറയുമിട്ടു. ഉപയോക്തൃ ഇടപെടൽ വർധിപ്പിക്കുന്നതിനും ഉപഭോക്തൃ സംതൃപ്തി ഉയർത്തുന്നതിനും ലക്ഷ്യമിട്ടുള്ള നൂതനവും വിശ്വസനീയവും പരിസ്ഥിതി സൗഹൃദവുമായ സാങ്കേതിക സൊല്യൂഷനുകൾ ഉപയോഗിച്ച് വ്യവസായ വെല്ലുവിളികളെ അഭിമുഖീകരിച്ച് ഒരു പ്രമുഖ ഇലക്ട്രോണിക്സ് ബ്രാൻഡായി മാറാനുള്ള ഞങ്ങളുടെ കാഴ്ചപ്പാട് സാക്ഷാത്കരിക്കാനുള്ള പ്രതിബദ്ധത ഈ ശ്രദ്ധേയമായ വളർച്ച വീണ്ടും ഉറപ്പിക്കുകയാണെന്ന് ക്വാട്ട് ടെക്‌നോളജീസ് സഹസ്ഥാപകൻ കിരൺ ജെയിംസ് പറഞ്ഞു. അടുത്ത എട്ട് വർഷത്തിനുള്ളിൽ സമാനതകൾ ഇല്ലാത്ത കമ്പനിയാകുക എന്ന ഞങ്ങളുടെ ലക്ഷ്യം കൈവരിക്കാനുള്ള പാതയിലാണ് ഞങ്ങൾ, അത് എത്രയുംവേഗം സാധിക്കുമെന്നും ഞങ്ങൾക്ക് ഉറപ്പുണ്ടെന്നും അദ്ദേഹം കൂട്ടിച്ചേർത്തു.

 

ക്വാട്ട് ടെക്‌നോളജീസ് തുടർന്നുള്ള ഉൽപ്പന്ന മുന്നേറ്റങ്ങളെ അറിയിക്കുന്നതിൽ വിവിധ വ്യവസായങ്ങളിലെ സുസ്ഥിരമായ ഇടപെടൽ നിർണായക പങ്ക് വഹിച്ചിട്ടുണ്ട്. ബ്രാൻഡ് ഐഡൻ്റിറ്റിയിലെ സൈനേജ് ഇല്ല്യൂമിനേഷന്റെ പ്രാധാന്യത്തെക്കുറിച്ചുള്ള ഉൾക്കാഴ്ചകളെ തുടർന്നാണ് IoT പ്രവർത്തനക്ഷമമാക്കിയ ടൈം സ്വിച്ച് വിഭാവനം ചെയ്തത് എന്നത് ശ്രദ്ധേയമാണ്. കേന്ദ്രീകൃത നിരീക്ഷണം, തത്സമയ മേൽനോട്ടം, റിമോട്ട് കൺട്രോൾ പ്രവർത്തനം, മെച്ചപ്പെടുത്തിയ കാര്യക്ഷമത, മെച്ചപ്പെട്ട പ്രകടനം, ചെലവ് ലാഭിക്കൽ നടപടികൾ തുടങ്ങിയ സവിശേഷതകൾ വാഗ്ദാനം ചെയ്യുന്നതാണ് ഈ പ്രോ‍ഡക്റ്റ്.

നാല് ടൈം സ്വിച്ച് വേരിയൻ്റുകളും ഒരു ഐഒടി മൊഡ്യൂളും അവതരിപ്പിച്ചതോടെ, ക്വാട്ട് ടെക്നോളജീസ് സ്ഥായിയായ വിജയത്തിൻ്റെയും നവീകരണത്തിൻ്റെയും പാതയിലാണ്. ഉപയോക്തൃ അനുഭവങ്ങൾക്ക് അധികമൂല്യം നൽകുകയും പൂർണ്ണഹൃദയത്തോടെ പുതുമകൾ സ്വീകരിക്കുകയും ചെയ്യുന്നതിലൂടെ, ക്വാട്ട് ടെക്‌നോളജീസ് വിപണിയിൽ ചുക്കാൻ പിടിക്കാൻ ആഗ്രഹിക്കുകയാണ്. വ്യവസായങ്ങളിലുടനീളം പോസിറ്റീവ് പരിവർത്തനങ്ങൾ ഉത്തേജിപ്പിക്കുന്ന സമഗ്രമായ പരിഹാരങ്ങൾ നൽകുകയും ആഗോള വിപണികളെ സ്വാധീനിക്കാൻ എല്ലാ അതിരകളെയും ഭേദിക്കുകയാണ്.