Global block

bissplus@gmail.com

Global Menu

ഒറ്റ ദിവസം 900 വിമാന സർവ്വീസ് നടത്തി ഇൻഡിഗോ

മുംബൈ : രാജ്യത്തെ പ്രമുഖ ആഭ്യന്തര  വിമാന കമ്പനിയായ ഇൻഡിഗോ അഭിമാനാർഹമായ നേട്ടം കൈവരിച്ചിരിക്കുന്നു.  ഒറ്റ ദിവസം  കൊണ്ട് 900  വിമാന  സർവ്വീസ്  നടത്തിയാണ് ഇൻഡിഗോ ചരിത്രത്തിൽ ഇടംപിടിച്ചിരിക്കുന്നത്. ഈ നേട്ടം  സ്വന്തമാക്കുന്ന രാജ്യത്തെ  ആദ്യത്തെ വിമാന കമ്പനിയാണ് ഇൻഡിഗോ. 

ഭുവനേശ്വര്‍-ചെന്നൈ റൂട്ടില്‍  സർവീസ് നടത്തിയ എയര്‍ബസ്-എ 320 (6E756) എന്ന  വിമാനമാണ് ഇൻഡിഗോയ്ക്ക്  ഈ  നേട്ടം പൂർത്തീകരിക്കുവാനായി  സഹായിച്ചത്. ഈ  നേട്ടം വളരെ  അഭിമാനാർഹമാണെന്ന് ഇൻഡിഗോ പ്രസിഡന്റ് ആദിത്യ ഘോഷ് അറിയിച്ചു. അധികം വൈകാതെ തന്നെ ഒരു  ദിവസം 1000  വിമാനങ്ങളുടെ സർവ്വീസ് നടത്തുകയാണ് കമ്പനിയുടെ ലക്ഷ്യമെന്നും അദ്ദേഹം കൂട്ടിച്ചേർത്തു.

 

ഈ നേട്ടം കൈവരിച്ചത്തോടെ ഇൻഡിഗോയുടെ  വിമാന സർവ്വീസ് ജെറ്റ് എയർവേയ്സ്, സ്‌പൈസ് ജെറ്റ് എന്നിവയുടെ  ആകെ  വിമാന സർവ്വീസുകളുടെ  അടുത്തെത്തിയിരിക്കുകയാണ്. നിലവിൽ പ്രതിദിനം  ജെറ്റ് എയർവേയ്സ് 650,സ്‌പൈസ് ജെറ്റ്  343 എന്നിങ്ങനെയാണ് വിമാന സർവ്വീസുകൾ നടത്തുന്നത്.

Post your comments