ന്യൂഡൽഹി: വീട് നിർമ്മിക്കുന്നതിനോ , വാങ്ങുന്നതിനോ പ്രൊവിഡന്റ് ഫണ്ടിൽ നിന്ന് 90 ശതമാനം തുക വരെ പിൻവലിക്കാവുന്നതാണെന്ന് കേന്ദ്ര സർക്കാർ. പ്രൊവിഡന്റ് ഫണ്ട് അക്കൗണ്ടുകൾ ഉപയോഗപ്പെടുത്തി ഭവന വായ്പയുടെ മാസത്തവണ അടക്കാവുന്നതാണ്. ഇതിന് പുറമെ സ്ഥലം വാങ്ങുന്നതിനും ഈ ഇളവുകൾ ലഭ്യമാണ്.
ഈ പദ്ധതി പ്രകാരം എംപ്ലോയീസ് പ്രൊവിഡന്റ് ഫണ്ടിൽ അംഗങ്ങളായിട്ടുള്ള നാലു കോടി ജീവനക്കാർക്കാണ് ഇതിലൂടെ പ്രയോജനം ലഭിക്കുന്നത്. രാജ്യസഭയിലെ ചോദ്യോത്തര വേളയിൽ കേന്ദ്ര തൊഴിൽ മന്ത്രി ബന്ദാരു ദത്താത്രേയാണ് ഈ കാര്യം അറിയിച്ചത്.
പത്ത് അംഗങ്ങളെ ഉൾപ്പെടുത്തിയുള്ള സഹകരണ സംഘങ്ങൾ രൂപീകരിച്ചാൽ ഇപിഎഫ് അംഗങ്ങൾക്ക് ഈ ആനുകൂല്യങ്ങൾ ലഭിക്കുന്നതാണ്.
പത്ത് അംഗങ്ങളുള്ള സഹകരണസംഘത്തിലോ, സൊസൈറ്റിയിലോ അംഗമായാൽ പിഎഫ് തുകയുടെ 90 ശതമാനം ഭവന നിർമ്മാണത്തിന് ലഭിക്കുന്നതാണ്. 1952-ലെ ഇപിഎഫുമായി ബന്ധപ്പെട്ട നിയമത്തിനൊപ്പം ഒരു പുതിയ ഖണ്ഡിക കൂടി എഴുതിച്ചേർക്കുമെന്ന് തൊഴിൽ മന്ത്രി അറിയിച്ചു.
Post your comments