ന്യൂഡൽഹി : പ്രൊവിഡന്റ് ഫണ്ട് അംഗങ്ങൾക്ക് വേണ്ടി ഭവന പദ്ധതി ഒരുക്കി കേന്ദ്ര സർക്കാർ. പദ്ധതി പ്രകാരം അംഗങ്ങൾക്ക് തങ്ങളുടെ പി.എഫ് തുകയിൽ നിന്ന് ഓരോ മാസവും ഭവന വായ്പ്പയുടെ തുക അടയ്ക്കാവുന്നതാണ്. വരുന്ന മാർച്ച് എട്ട് മുതൽ ഈ പദ്ധതി പ്രാവർത്തികമാക്കാനുള്ള തയ്യാറെടുപ്പിലാണ് കേന്ദ്ര സർക്കാർ.
പദ്ധതിൽ 20 അംഗങ്ങളിൽ കുറയാത്ത ജീവനക്കാർ ചേർന്നാണ് ഹൗസിങ് സൊസൈറ്റി രൂപവത്കരിക്കുക. ഈ ഹൗസിങ് സൊസൈറ്റി ബാങ്ക് / ബിൽഡേഴ്സുമായും, ഇ.പി.എഫ്.ഒ. യുമായും സഹകരിച്ച് പദ്ധതി നടപ്പാക്കാനുള്ള കരാറുണ്ടാക്കും. ഇ.പി.എഫിലെ നാലു കോടി അംഗങ്ങൾക്കാണ് ഈ പദ്ധതിയിലൂടെ പ്രയോജനം ലഭിക്കുന്നത്.
പദ്ധതിയിൽ അംഗങ്ങളായിട്ടുള്ളവർക്ക് വായ്പ്പ തിരിച്ചടക്കാനുള്ള കഴിവുണ്ടെന്ന് തെളിയിക്കുന്ന സർട്ടിഫിക്കറ്റ് പി.എഫ് വഴി നൽകുന്നതായിരിക്കും. പി എഫ് മുഖേനയുള്ള പദ്ധതിയിൽ പ്രധാന മന്ത്രിയുടെ ആവാസ് യോജന ഉൾപ്പെടെ നിരവധി ഭവന പദ്ധതികൾ ഉൾക്കൊള്ളിച്ചിട്ടുണ്ട്.
Post your comments