മുംബൈ : ആഗോള വിമാന കമ്പനിയായ ലുഫ്ഥാൻസ ഇന്ത്യയിൽ തങ്ങളുടെ രണ്ടാമത്തെ വിമാന സർവീസ് ആരംഭിക്കുന്നു. മ്യൂണിക്ക്- മുംബൈ റൂട്ടിലാകും ലുഫ്ഥാൻസയുടെ പുതിയ സർവീസ് ആരംഭിക്കുന്നത്.
ഏറ്റവും ആധുനിക സംവിധാനങ്ങളോടു കൂടിയ എയർബസ് 350-900 ആണ് ഈ റൂട്ടിൽ സർവീസ് നടത്തുക. ഇന്ത്യയിൽ ലുഫ്താൻസയുടെ രണ്ടാമത്തെ സർവീസാണ് മ്യൂണിക്ക്- മുംബൈ റൂട്ടിലേത് എന്ന് കമ്പനി അറിയിച്ചു.
ലോകത്തിലെ തന്നെ ഏറ്റവും ആധുനിക സംവിധാനങ്ങളോടു കൂടിയ വിമാനമാണ് എയർബസ് 350-900. ആഗോളതലത്തിൽ കമ്പനി തങ്ങളുടെ വാണിജ്യ ആവശ്യങ്ങൾക്കായി വിമാനത്തിന്റെ ആദ്യസർവീസ് ആരംഭിച്ചത് ഈ മാസം പതിനൊന്നിന് ന്യൂഡൽഹിൽ നിന്നായിരുന്നു.
ദീർഘദൂര വിമാന സർവീസുകൾക്ക് ഏറെ ഗുണം ചെയ്യുന്ന തരത്തിലാണ് എയർബസ് 350-900 രൂപകൽപ്പന ചെയ്തിരിക്കുന്നത് . മറ്റ് വിമാനങ്ങളെ അപേക്ഷിച്ച് എയർബസ് 350-900 ൽ ഇന്ധന ഉപയോഗത്തിൽ 25 ശതമാനത്തിന്റെ കുറവുണ്ട്. കൂടാതെ കാർബൺ ഡൈ ഓക്സൈഡ് പുറം തള്ളലിൽ 25 ശതമാനത്തിന്റെ കുറവും, 50 ശതമാനത്തോളം ശബ്ദ മലിനീകരണ കുറവും കമ്പനി അവകാശപ്പെടുന്നു.
Post your comments