കൊച്ചി : കണ്‍സ്യൂമര്‍ഫെഡ് പുതുവര്‍ഷത്തില്‍ പുതിയ വിപണന ശൃംഖല ഒരുക്കാൻ പദ്ധതി തയ്യാറാക്കുന്നു .
സഹകരണ സംഘങ്ങളുടെ സഹായത്തോടെ സംസ്ഥാനമൊട്ടാകെ വിപണന കേന്ദ്രങ്ങൾ ആരംഭിക്കാനാണ് കണ്‍സ്യൂമര്‍ഫെഡ് ഒരുങ്ങുന്നത് .
ഇപ്പോഴുള്ള നീതി സ്റ്റോറുകളുടെ എണ്ണം ഇരട്ടിയാക്കും . മിതമായ വിലയിൽ മികച്ച ബ്രാൻഡുകളുടെ ഉത്പന്നങ്ങൾ ഉപഭോക്താക്കൾക്കായി ഉറപ്പാക്കുകയാണ് കൺസ്യൂമർഫെഡിന്റെ ലക്‌ഷ്യം .
സഹകരണ സംഘങ്ങൾക്ക് തന്നെയായിരിക്കും പൂർണ്ണ ഉത്തരവാദിത്തം . മികച്ച സാധനങ്ങൾ ഉറപ്പാക്കുക എന്നത് കണ്‍സ്യൂമര്‍ഫെഡിന്റെ ചുമതലയായിരിക്കും .
കണ്‍സ്യൂമര്‍ഫെഡ് ഇ -ടെണ്ടര്‍ വഴി ആയിരിക്കും സാധനങ്ങൾ സഹകരണ സംഘങ്ങൾക്ക് ലഭ്യമാക്കുക .സഹകരണ സംഘങ്ങള്‍ക്ക് മുഴുവൻ തുകയും നൽകി സാധനങ്ങൾ കണ്‍സ്യൂമര്‍ഫെഡിൽ നിന്നും വാങ്ങാവുന്നതാണ് .
കേരളത്തില്‍ കുറഞ്ഞവിലയ്ക്ക് മരുന്ന് ലഭ്യമാക്കാനും ഇതിനൊപ്പം പദ്ധതി തയ്യറാക്കുന്നുണ്ട് . ഇപ്പോള്‍ 750 നീതിസ്റ്റോറുകളാണുള്ളത് അത് 1500 നീതി മെഡിക്കല്‍ സ്റ്റോറുകളായി വർദ്ധിപ്പിയ്ക്കും .25 ശതമാനം വരെ വിലക്കുറവിൽ സാധനങ്ങൾ ലഭ്യമാക്കാൻ സാധിക്കുമെന്നാണ് കണ്‍സ്യൂമര്‍ഫെഡ് പ്രതീക്ഷിക്കുന്നത് .
Post your comments