ന്യൂഡൽഹി : ഇന്റർനെറ്റ് ഉപഭോക്താക്കൾക്ക് ഓൺലൈൻ ഇടപാടുകളിലെ സുരക്ഷ ഉറപ്പാക്കുന്നതിനായി കേന്ദ്ര ഉപഭോക്‌തൃ മന്ത്രാലയം രാജ്യമൊട്ടാകെ 'ഡിജിറ്റൽ സേഫ് കൺസ്യൂമർ ക്യാംപയിൻ" ആരംഭിക്കുന്നു.
ഗൂഗിളുമായി കൈകോർത്താണ്‌ കേന്ദ്ര ഉപഭോക്‌തൃ മന്ത്രാലയം ഇത്തരത്തിലൊരു പദ്ധതി തുടക്കം കുറിയ്ക്കുന്നത് .
വ്യാപാരങ്ങളും ഇടപാടുകളും കൂടുതൽ ഡിജിറ്റലാകുന്ന ഈ കാലഘട്ടത്തിൽ ഉപഭോക്‌തൃ സംരക്ഷണത്തിന് പ്രാധാന്യം കൊടുത്തുകൊണ്ടാണ് ഒരു വർഷം നീണ്ടു നിൽക്കുന്ന 'ഡിജിറ്റൽ സേഫ് കൺസ്യൂമർ ക്യാംപയിൻ" ആരംഭിക്കുന്നത് .
ഉപഭോക്താക്കളെ ഇന്റർനെറ്റ് സുരക്ഷയെ ക്കുറിച്ച് കൂടുതൽ ബോധവാന്മാരാക്കുകയാണ് ക്യാംപയിൻ ലക്ഷ്യം വയ്ക്കുന്നത് . രാജ്യത്തെ 250 ഓളം ഉപഭോക്‌തൃ സംഘടനകൾ ഉൾപ്പെടെ 500 പേരെ 'ട്രെയിൻ ദി ട്രെയിനർ" പരിശീലന പദ്ധതിയുടെ ഭാഗമായി പരിശീലനം നൽകും .
ഓൺലൈൻ സേഫ്റ്റി ടൂൾസ് , ഡിജിറ്റൽ സെക്യൂരിറ്റി , ഡിജിറ്റൽ ലിറ്ററസി , തുടങ്ങി ഇന്റർനെറ്റിനെ ആധാരമാക്കിയുള്ള വിവിധ മേഖലയെക്കുറിച്ചായിരിക്കും പരിശീലന പരിപാടികൾ സംഘടിപ്പിക്കുക .
പരിശീലനം ലഭിച്ചവരെ ഗ്രാമപദേശങ്ങളിലെ ജനങ്ങൾക്ക്‌ ഇന്റർനെറ്റ് സുരക്ഷ സംബന്ധിച്ച് ക്‌ളാസുകൾ നയിക്കുവാൻ അവസരം ഒരുക്കും . അടുത്തവർഷം ജനുവരിയോടെ പദ്ധതി ആരംഭിക്കുവാനാണ് സാധ്യത .
Post your comments