ന്യൂഡല്‍ഹി: പ്രമുഖ ഇ കോമേഴ്സ് കമ്പനിയായ ആമസോണ്‍ ഇന്ത്യയിൽ 'ആമസോണ്‍ ഗ്ളോബല്‍ സ്റ്റോര്‍' ആരംഭിച്ചു . ഇന്ത്യയിലെ വ്യാപര പ്രാധാന്യം കണക്കിലെടുത്താണ് ആമസോൺ ഇന്ത്യയിൽ ഗ്ലോബൽ സ്റ്റോറിന് തുടക്കം കുറിച്ചത് .
ഇന്ത്യൻ രൂപയുടെ മൂല്യത്തിന് അനുസരിച്ച് ഉൽപന്നങ്ങൾ വാങ്ങാനുള്ള അവസരം കൂടി ഇതിലൂടെ ഇന്ത്യൻ ഉപഭോക്താക്കൾക്ക് സാധ്യമാകും . തുടക്കത്തിൽ 12 വിഭാഗങ്ങളിലായി 40 ലക്ഷം യു.എസ് നിര്‍മ്മിത ഉല്‍പന്നങ്ങളാണ് ഇന്ത്യയിലെ ഗ്ലോബൽ സ്റ്റോറിലൂടെ ലഭ്യമാക്കുക. അധികം വൈകാതെ മറ്റു രാജ്യങ്ങളില്‍ നിന്നുള്ള കൂടുതല്‍ ഉല്‍പന്നങ്ങള്‍ ഗ്ളോബല്‍ സ്റ്റോറിലൂടെ ലഭ്യമാകും . 2 -12 ദിവസത്തിനുള്ളിൽ ഉൽപന്നങ്ങൾ ഉപഭോക്താവിന് ലഭ്യമാക്കാൻ സാധിക്കും .
ആമസോണ്‍ ഗ്ളോബല്‍ സ്റ്റോര്‍ അവതരിപ്പിക്കുന്ന മൂന്നാമത് രാജ്യമാണ് ഇന്ത്യ , ചൈനയിലും, മെക്സിക്കോയിലുമാണ് നിലവിൽ ഗ്ലോബൽ സ്റ്റോറുകൾ ഉള്ളത് . ജനപ്രീതി നേടിയ ആമസോണിന്റെ 'ബ്ളാക്ക് ഫ്രൈഡേ സെയില്‍' ഉൾപ്പെടെയുള്ള വ്യാപാര മേളകളും ഇന്ത്യയിലെ ഗ്ലോബൽ സ്റ്റോറുകളിലൂടെ ലഭിക്കും .
30 ദിവസത്തിനുള്ളിൽ സാധനങ്ങൾ തിരകെ നൽകാനോ, മാറ്റിവാങ്ങാനോ അവസരം ഉണ്ടാകും . ഇന്ത്യപോസ്റ്റ്, അരാമെക്‌സ് , ഡി എച്ച് എൽ തുടങ്ങിയവ വഴി ആയിരിക്കും ഉൽപന്നങ്ങളുടെ വിതരണം നടത്തുക .
Post your comments