തിരുവനന്തപുരം: ഹ്രസ്വദൂര ട്രെയിൻ യാത്രകൾക്ക് ടിക്കറ്റ് മുൻകൂട്ടി എടുക്കുന്നവർ മൂന്ന് മണിക്കൂറിനുള്ളിൽ തന്നെ യാത്ര ചെയ്യണമെന്ന നിബന്ധന റയിൽവെ കർശനമാക്കുന്നു .
199 കിലോമീറ്റര്‍ വരെയുള്ള ദൂരങ്ങൾക്കാണ് റെയിൽവേ അണ്‍റിസര്‍വ്ഡ് ടിക്കറ്റുകൾ അനുവദിച്ചിട്ടുള്ളത് . അണ്‍റിസര്‍വ്ഡ് ടിക്കറ്റുകള്‍ എടുക്കുന്നവര്‍ മൂന്ന് മണിക്കൂറിനുള്ളില്‍ യാത്ര ചെയ്യണമെന്ന നിർബന്ധന ടിക്കറ്റിൽ ഉൾപ്പെടുത്തിയാണ് നിയമം കർശനമാക്കുന്നത് .
ഈ ഉത്തരവ് അനുസരിച്ച് മൂന്നുമണിക്കൂറിനുള്ളിലോ അല്ലെങ്കിൽ ആദ്യ വണ്ടിയിലോ യാത്രചെയ്യണം എന്നാണ് പുതിയ നിർദേശം . ഇതിന് മുൻപും ഈ നിർദ്ദേശം ഉണ്ടായിരുന്നു എങ്കിലും ടിക്കറ്റിൽ രേഖപ്പെടുത്താതിരുന്നത് ആശയക്കുഴപ്പം ഉണ്ടാക്കിയിരുന്നു .
പഴയ ടിക്കറ്റിൽ അര്‍ധരാത്രിവരെ ടിക്കറ്റ് ഉപയോഗിക്കാം എന്നാണ് രേഖപ്പെടുത്തിയിരുന്നത് . കഴിഞ്ഞ മാർച്ചിലാണ്‌ ഇതു സംബന്ധിക്കുന്ന ഉത്തരവ് പ്രാബല്യത്തിൽ വന്നത് .
200 കിലോമീറ്ററിന് മുകളിലുള്ള യാത്രകൾക്ക് ഇത് ബാധകമല്ല . പുതുക്കിയ ട്രെയിൻ ടിക്കറ്റുകൾ റെയിൽവേ നൽകി തുടങ്ങിയിട്ടുണ്ട് .
Post your comments