കൊച്ചി : ഇന്ത്യൻ റയിൽവേയുടെ സൂപ്പർഫാസ്റ്റ് ഡബിൾ ഡെക്കർ ട്രെയിൻ ഉദയ് കേരളത്തിലേക്ക് എത്തുന്നു . തിരുവനന്തപുരം-ചെന്നൈ റൂട്ടിലാകും ട്രെയിൻ സര്‍വീസ് നടത്തുക.
മണിക്കൂറിൽ 110 കിലോമീറ്ററാണ് ട്രെയിനിന്റെ വേഗത. 11 മുതൽ 12 ബോഗികൾ വരെ ഉണ്ടാകും . ഇത് പൂർണ്ണമായും ശീതികരിച്ച ചെയർ കാര്‍ ബോഗികളായിരിക്കും . ഡബിൾ ഡെക്കർ ട്രെയിനുകൾക്ക് 4366 സെന്‍റീമീറ്റർ ഉയരമുണ്ടാകും ഓരോ ബോഗിയിലും 120 സീറ്റുകൾ വീതം ഉണ്ടാകും .
കോട്ടയം വഴിയായിരിക്കും ഉദയ് സർവീസ് നടത്തുക. പഞ്ചാബിലെ കപുർത്തല റെയിൽ കോച്ച് ഫാക്ടറിയിലാണ് കോച്ചുകൾ രൂപകൽപ്പന ചെയ്യുന്നത്. ഒക്ടോബർ മുതൽ ഡബിൾ ഡെക്കർ ട്രെയിൻ സർവീസ് ആരംഭിക്കും . ഉദയ് സർവീസ് ആരംഭിച്ചു കഴിഞ്ഞാൽ 15 മണിക്കൂർ കൊണ്ട് ചെന്നൈയിൽ എത്താൻ കഴിയും .
ആഴ്ച്ചയില്‍ രണ്ടു ദിവസമായിരിക്കും ഡബിൾ ഡെക്കർ ട്രെയിൻ സര്‍വീസ് നടത്തുക . വൈകുന്നേരം ഏഴു മണിക്ക് തിരുവനന്തപുരത്ത് നിന്നും ട്രെയിൻ യാത്ര ആരംഭിക്കും . കഴിഞ്ഞ റെയിൽവേ ബജറ്റ് പ്രഖ്യാപനത്തിലായിരുന്നു ഡബിൾ ഡെക്കർ ട്രെയിൻ കേരളത്തിന് അനുവദിച്ചത് .
Post your comments