തിരുവനന്തപുരം : കയർ തൊഴിലാളികൾക്ക് ഓണത്തിനോട് അനുബന്ധിച്ച് 20 ശതമാനം ബോണസ് നൽകുവാൻ തീരുമാനമായി. ഈ വർഷം ജനുവരി മുതൽ മെയ് വരെയുള്ള ശമ്പളത്തിന്റെ 20 ശതമാനം മുൻ‌കൂർ ബോണസായും, 9.47 ശതമാനം ഇൻസെന്റീവായും നൽകും.
അഡീഷനൽ ലേബർ കമ്മീഷണർ ഡോ. ജി.എൽ.മുരളീധരന്റെ അധ്യക്ഷതയിൽ വിളിച്ചു ചേർത്ത തൊഴിലാളികളും , തൊഴിലുടമ പ്രതിനിധികളും പങ്കെടുത്ത യോഗത്തിലാണ് ഈ തീരുമാനം കൈക്കൊണ്ടത്.
സെപ്റ്റംബർ ഏഴിന് മുൻപായി തുക തൊഴിലാളികൾക്ക് വിതരണം ചെയ്യും. സ്വകാര്യ സ്ഥാപനങ്ങൾക്ക് പുറമെ സഹകരണ, പൊതുമേഖലയിലെ തൊഴിലാളികൾക്കും സെപ്റ്റംബർ ഏഴിന് മുൻപ് ബോണസ് വിതരണം ചെയ്യുമെന്ന് അറിയിച്ചു.
Post your comments