ന്യൂഡൽഹി : രാജ്യത്തെ ഭക്ഷ്യസുരക്ഷാ നിയമത്തിന് കീഴിൽ 72 കോടി ഗുണഭോക്താകൾ . 14.8 കോടി കുടുംബങ്ങളാണ് ദേശീയ ഭക്ഷ്യ സുരക്ഷാ നിയമം ( NFSA ) പ്രകാരം ഭക്ഷ്യ ധാന്യം സബ്സിഡി കൈപറ്റുന്നത് എന്നാണ് കേന്ദ്ര സർക്കാർ പറയുന്നത്.
2014 മാർച്ചിൽ ദേശീയ ഭക്ഷ്യ സുരക്ഷാ നിയമം നടപ്പാക്കുമ്പോൾ കേന്ദ്രഭരണ പ്രദേശങ്ങളും സംസ്ഥാനങ്ങളും ഉൾപ്പടെ 11 പ്രദേശങ്ങളാണ് പദ്ധതിയിൽ ഉൾപ്പെട്ടിരുന്നത്. എന്നാൽ ഏപ്രിൽ 2016- ലെ കണക്ക് പ്രകാരം ഏഴ് കേന്ദ്രഭരണ പ്രദേശങ്ങളിലും 26 സംസ്ഥാനങ്ങളിലും ദേശീയ ഭക്ഷ്യ സുരക്ഷാ നിയമം നടപ്പിലാക്കിയിട്ടുണ്ട് എന്ന് ഉപഭോക്തൃ വകുപ്പ് മന്ത്രാലയം പ്രസ്താവനയിൽ പറഞ്ഞു.
കേരള, തമിഴ്നാട് , നാഗാലാൻഡ് എന്നിവയാണ് ഭക്ഷ്യ സുരക്ഷാ നിയമം നടപ്പാക്കുന്നത്തിന് അവശേഷിക്കുന്ന മൂന്ന് സംസ്ഥാനങ്ങൾ .ഈ പ്രദേശങ്ങളിൽ പദ്ധതി നടപ്പിലാക്കാനുള്ള അന്തിമ ഘട്ടത്തിൽ എത്തി നിൽക്കുകയാണെന്നും മന്ത്രാലയം അറിയിച്ചു.
തമിഴ്നാടിലും , കേരളത്തിലും തെരഞ്ഞെടുപ്പ് കാലമായത്തിനാൽ ദേശീയ ഭക്ഷ്യ സുരക്ഷാ നിയമം നടപ്പിലാക്കുന്നത് സാധ്യമല്ല . തിരഞ്ഞെടുപ്പിന് ശേഷം മാത്രമേ ഈ സംസ്ഥാനങ്ങളിൽ പദ്ധതി നടപ്പാക്കാൻ കഴിയു. എന്നാൽ നാഗാലാൻഡിൽ ജൂലൈ മുതൽ എൻഎഫ്എസ്എ നടപ്പാക്കാൻ സധിക്കുമെന്ന് പ്രതിക്ഷിക്കുന്നതായി പ്രസ്താവനയിൽ പറയുന്നു .
Post your comments